خدمة سيئة ما بعد البيع ومنتجات قصيرة العمر.. تحذير من التعامل مع يونيون آير

حذر عدد من العملاء من شراء منتجات يونيون آير لسوء خدمة ما بعد البيع، على حد وصفهم.

وقالت إحدي عملاء يونيون آير، والتي تقدمت بشكوي في حماية المستهلك،" مشكلتى مع ثلاجة يونيون اير وتقريبا كل منتجاتهم وصيانتهم  المرة دى الثلاجة بتجيب مياه من تحت والباب مش بيقفل كويس "طبعا الثلاجة لسه فى الضمان"، وقامت بتحرير بلاغ صيانة رقم 3419426.
وتابعت" الفنى كلمنى يوم قولتله انا فى الشغل حاليًا - هنتظرك يوم الاثنين واكدت عليه علشان طبعا هاخد إجازة مخصوص من الشغل فضلت منتظرة يوم الاثنين من ١١ صباحًا وتواصلت معاه على الواتساب ورد عليا وقالى تمام وبعتله اللوكيشن ولحد الساعة 5 لا كلمنى ولا بيرد على الموبايل ولا الواتساب يوم الثلاثاء قعدت منتظراه بردوا وتواصلت معاه واتساب وموبايل مش عاوز يرد ابدا ".
واستطردت" يوم الاربعاء كلمنى الساعة 12.30 كلمته بعدها بنص ساعة وقالى انا ساعة وهكون عندك وبعتله اللوكيشن تانى زى ما هو واضح  وبعدين كلمته تانى الساعة 2 قالى ان بس قدامك الناحية التانية بشحن ثلاجة وجاى  ومن ساعتها اختفى تانى واكلمه لحد الساعة 5 مش بيرد ويشوف رسائل الواتس اب ومايردش بردوا.

وقالت" وفى الاخر اتواصل مع خدمة العملاء النهاردة  يقولوا اصل الفنى ابلغنا إنه بيحاول يتواصل مع حضرتك ولا يوجد رد.. قمة الاستهتار بالعملاء وفنى ماعندوش اى ذوق ولا ضمير وكمان كدب علنى والثلاجة بايظة بقالها 6 ايام حاليا ".

يونيون آير أسوء شركة أجهزة كهربائية في مصر  

وتابع عميل اخر،"للاسف من خلال تجربتي اسوء شركة أجهزة كهربائية في مصر هي يونيون اير unionair، خاصة خدمة ما بعد البيع، عشان ليا 3ايام قاعد في البيت مش عارف اروح الشغل  بسببهم عشان يصلحوا الغسالة والفني امبارح غير قطع غيار وفي الاخر متصلحتش، وخدمة العملاء عايزني استنى 7 ايام عمل لحد ما يوفروا قطع الغيار اللي المفروض كانت تتغير من الأول".

وتابع،" حسبي الله ونعم الوكيل فيهم، وللاسف جايب منهم أكثر من جهاز ومكنتش اعرف انهم شركة بالسوء ده، وكل مره فيها صيانة معاناة معاهم، والأجهزة بتاعتهم علي قد الضمان بس، يادوب الضمان يخلص تلاقي المشاكل في كل مكان في الجهاز، وحسبي الله ونعم الوكيل فيهم".