مستثمر سعودي: معمار المرشدي كرهتني في شركات العقارات وتأخير في التسليم بشكل غير مبرر

شن عملاء شركة معمار المرشدي، هجوما شديدا على الشركة بسبب تباطؤ العمل بمشروع زهرة، وانتشر فيديو يفيد بأن الشركة بدأت فى وضع خرسانات بعد 5 سنوات من الترويج للمشروع، وبعد الوقفة الاحتجاجية التى نظمها العملاء.

وقال العملاء تعليقًا على خرسانات شركة معمار المرشدي فى المشروع " شوية خرسانات تخلص كلها في ٣-٤ شهور طيب وبقية ال4  سنوات عملتوا فيها ايه.. للاسف كذب وتدليس كل ملاك المرحلة الاولي  المفترض يكونوا استلموا خلاص من سنة ودلوقتي بيستمتعوا بوحداتهم وبالشاطئ.. بس للاسف كل ده فشنك من مطور فاشل للاسف رغم اسمه اللي المفترض كبير بس مفيش عنده إدارة كلهم شوية هواه  .. حسبنا الله ونعم الوكيل في اي حد استحل اموال الناس بالباطل".

وقال عميل اخر،" حلو انكو تبتدوا بعد 5 سنين وتفرحوا بالانشاءات بس مطلوب نشاط اكبر ومصداقية بعد فقدان الثقه بمواعيدكم وحتي احياء المكان مطلوب.

وتابع،"زهرة كان اول مشروع لشركة المرشدي في الساحل الشمالي وكان من المتوقع ان يظهر بثقله وما حدث انهم تناسوا المشروع بالمرة الا من إعلانات رمضان السنوية وفقط الاحباط يملأ نفوس العملاء وملاك زهرة الحاليين من الامانة أن تظهروا الواقع وخطه العمل ومواعيد التسليم إذا كنتم صادقين وجادين والا الفشل والسقوط سيكون حليف ادارة المشمشي".

مشروع زهرة معمار المرشدي

وكان عدد من ملاك مشروع زهرة معمار المرشدي، وقفة احتجاجية لمطالبة الشركة بإعلان موعد تسليمهم بعد 5 سنوات من المماطلة وعدم انتهاء المشروع على حد قال ولهم، وقاموا بنشر صور للمشروع رغم الإعلانات التى تروج لها الشركة.

وقال أحد الملاك وهو مستثمر سعودي فى فيديو بثه عبر السوشيال ميديا" الشركة من الشركات الكبرى فى مصر ولكنها متأخرة فى التسليم بمشروع زهرة الساحل الشمالي رغم مرور 4 سنين من التعاقد وعايزين نعرف هنستلم امتى ولا الشركة تطلع ترد".

وقال مالك اخر بالشركة محذرا من التعامل معها،  "تجربتي مع المرشدي عند شراء شاليه في زهرة طبعا السيلز عمل ليه البحر طحينه بمعني أسلوب وخدمة 7 نجوم ووصف ليه زهرة على إنه ا قطعة من الجنة قال خدمات عبارة عن كريستال لاجون صالحة للسباحة والاكو ابارك وجولف كار وواجهه بانوراما وست شواطئ على طول 4 كيلو وبعد الشراء ما فيش اي حد من الشركة عايز يتكلم معاك أساسا وأسلوب سيء جدا وإلغاء في الخدمات كل شهر خدمة لحد ما وصلت زهره إنه ا تكون مساكن الأنفوشي وياريت تسلم في المعاد لأ متاخره سنين فعلًا الشركة خلتني اكره اي شركات عقارات أساسا".