أول تعليق من الفنان سامح حسين بشأن تصريحاته بإلغاء الإجازات في الأعياد
أصدر الفنان سامح حسين، توضيحًا لتصريحاته بشأن مطالبته إلغاء الإجازات في الأعياد، والتي أثارت ضجة على مواقع التواصل الاجتماعي، أمس الاثنين.
وقال سامح حسين، عبر حسابه على «فيس بوك» اليوم الثلاثاء: «جمهوري الحبيب.. كل سنة وانتم طيبين وبخير.. بناء على طلبكم.. والناس اللي طلبت تفسيرا لموضوع إني بطالب بإلغاء الأجازات في الأعياد.. الكلام ده طبعا غير حقيقي بالمرة».
وأضاف: «أنا زيكم بحب الإجازة وبحب زيكم اشتغل بإخلاص زي كل واحد في مجاله.. الإجازة دي نعمة من ربنا نشحن من خلالها قوتنا لمواصلة مشوار الحياة.. كل الموضوع إني اتمنيت إن أعياد مصر وأفراحها تزيد وتكتر وساعتها مش لازم ناخد الأعياد الجديدة دى كلها أجازة».
وتابع: «لكني لم أقصد أبدا إلغاء الاجازات الرسمية، وعلي فكرة إحنا بنحب الإجازة علشان بنشتغل، أي حد جرب قلة الشغل مش هيحب الأجازة، الشغل نعمة ربنا يديمها علينا ويعين كل واحد على حاله ويكرمنا جميعا ويرزقنا الخير.. يارب حياتكم تكون كلها أعياد وفرحة».