أحمد زاهر عن بكائه خلال رقصه مع ابنته ليلى: "الدموع نزلت غصب عني"
علق النجم أحمد زاهر، على بكائه خلال رقصه مع ابنته “ليلى”، في حفل زفافها على المنتج هشام جمال، وذلك على أغنية “بنت أبويا”.
أحمد زاهر: “الدموع نزلت غصب عني”
ونشر أحمد زاهر، مقطع فيديو لرقصه مع ابنته ليلى زاهر، عبر حسابه الشخصي بموقع التواصل الاجتماعي فيسبوك، وعلق قائلا: “وأنا داخل أرقص معاكي شفت وشك اللي زي القمر، أجمل عروسه في الدنيا كلها بصيت في عينيكي وفجأه مر قدامي شريط ذكريات من أول لما جيتي الدنيا وأنا أول واحد شيلتك بين إيديا، وشفت كل لحظه وانتي بتكبري قدام عنيا لحد اللحظه اللي احنا بنرقص فيها مع بعض وانتي عروسه زي القمر وخلاص هاتسيبيني وتمشي مع عريسك”.
وأضاف: “حسيت بمشاعر كتير متناقضه ومختلفه والدموع نزلت من عيني غصب عني وحسيت اني عاوز أقولك لا متمشيش وتسيبيني وارجع في كلامي بس في نفس الوقت، أنا عارف ان دي أجمل لحظه في حياتك انك اخترتي اللي بتحبيه وبيحبك وبصراحه اخترتي صح راجل ومحترم وبيحبك وبيقدرك وهايشيلك جوه عنيه زي ما وعدني”.
وأختتم أحمد زاهر رسالته قائلا: “مبروك يا بنت عمري يا بنت قلبي بحبك يا اجمل بنوته واجمل عروسه في الدنيا كلها بحبك يا ليلى”.
