عمرو أديب يهاجم "الإخوان" بسبب تخفيف أحمال الكهرباء: "مابشوفش فيكوا دكر قاعد في البلد دي وبيتكلم"

 عمرو أديب يهاجم "الإخوان" بسبب تخفيف أحمال الكهرباء: "مابشوفش فيكوا دكر قاعد في البلد دي وبيتكلم"

هاجم الإعلامي عمرو أديب، جماعة الإخوان، بسبب تعليقات عناصرها على خطة تخفيف أحمال الكهرباء وما يتبعها من انقطاع الخدمة بشكل متكرر، والتي تشهدها مصر حاليا.

وقال عمرو أديب، خلال تقديم برنامجه «الحكاية» المذاع عبر شاشة «إم بي سي مصر»، مساء الجمعة: «الإخوان فصيل تافه.. سايبين الناس ومعاناتهم بسبب أزمة الكهرباء وماسكين في حاجة واحدة وهي إن وقت محمد مرسي حصل نفس الحكاية ومحدش اتكلم.. مرسي مين.. إنتو اتجننتوا؟.. إحنا في إيه ولا إيه.. طاب كنتو قدموا حلول».

وأضاف مخاطبا الإخوان: «مرسي كان رئيس الصدفة.. وكل اللي حواليه كان بيتريقوا عليه.. إنتو ماسكين فيه ليه.. ما تتكلموا في الطقس ولا عن البلد.. أقسم بالله لما كنا بنتكلم معاهم كانوا بيتريقوا عليه تريقة غير طبيعية».

وكشف أديب، عن تلقيه دعوات من جماعة الإخوان وقت حكمها لمصر، قائلا: «أنا تلقيت دعوات لزيارة الاتحادية (وقت حكم الإخوان) ومرحتش.. وتلقيت رسائل من أجهزة مخابرات مساندة لهم ومرحتش.. وفي يوم من الأيام هقول من اللي راح».

وتابع: «الكلمة من داخل مصر بـ 10 من برّه مصر.. المسألة مش بسيطة.. اللي بره بيتكلم زي ما هو عاوز.. لكن أنا عندي مسئولية مرعبة قدام الناس وقدام الدولة.. لازم أكون فاهم أنا بقول إيه.. وإلا أكون بعرّض نفسي للمسئولية».

واستكمل عمرو أديب: «أنا شغال في الإعلام بقالي 30 سنة.. وتاريخي ورايا مش قدامي.. وأقدر اشتغل من أي مكان.. لكن إحنا مربوطين بالبلد دي من إيدينا ورقبتنا ورجلينا».

وتحدث أديب، عن مزاعم تروجها الجماعة ضده، قائلا: «الإخوان بيقولوا عليا بقفز من السفينة.. يا بني أنا في مصر.. مش زيك بتمول بالدولارات والإسترليني.. هقفز من المركب أروح فين؟.. أنا مسبتش البلد في أسوأ الظروف.. لما كان حازم صلاح أبو إسماعيل واقف قدام مدينة الإنتاج الإعلامي وأنا قاعد جوّه».

واستطرد: «الكلمة في مصر مش سهلة.. حتى لو أن عاوز أنط من المركز مش سهلة.. الدولة طالعة من معارك كتيرة ومش ناقصة واحد يطبع بالليل يعمل مشاكل ووجع دماغ».