الورقي
"عايز أبقى أنا الاهتمام الاكبر في حياتها".. رامي جمال: أرفض احتراف زوجتي الغناء
رامي جمال: أرفض احتراف زوجتي الغناء
كشف الملحن والمطرب رامي جمال عن موقفه من احتراف زوجته ناريمان الغناء.
وقال رامي جمال، خلال الجزء الثاني من حواره مع الإعلامية أسما إبراهيم في برنامج "حبر سري" المذاع عبر قناة القاهرة والناس: "أنا قلت لها هنجرب تعملي أغنية وإثنين وثلاثة، لو إتكتب لك فيهم نجاح جامد وواضح إن ليكي قبول كملي، لكن مش هنتجوز".
وأضاف رامي جمال: "أنا كان عندي مشكلة، عايز الست بتاعتي أكون أنا الاهتمام الأكبر في حياتها، الفن بيسرق العمر، وعايز وأنا عمري بيتسرق يبقى معايا اللي بحبها في إيدي، مش أنا مسروق في حتة وهي في حتة".
وأوضح رامي جمال ترحيبه بغناء زوجته على سبيل الهواية قائلا: "هي غنت معايا السنة اللي فاتت ديو حقق ملايين، وهتغني معايا قريب، تغني معايا إرضاء للهواية حاجة وإنها تحترف الغناء حاجة ومش عايزها".
وردا على سؤال ما سبب رفضه احتراف زوجته الغناء، قال رامي جمال: "أنا شايف إن الوسط الفني مش سهل للرجالة، والقلق من بكرا دايما حاجة مش لطيفة، وكنت أتمنى لها تعيش حياة مستقرة".
آخر أعمال رامي جمال
يذكر أن رامي جمال طرح مؤخرا أغنية تتر مسلسل "بنون"، وتحمل عنوان "وسط الوشوش"
وأغنية "وسط الوشوش" من ألحان رامي جمال، توزيع وميكس وماستر إلهامي دهيمة، ويتعاون فيها مع الشاعر الغنائي مصطفى ناصر.
