الورقي
بسبب «سيدتي أنا».. داليا البحيري تتعرض لإصابة في يدها (صور)
تعرضت الفنانة داليا البحيري لإصابة في يدها، بعد سقوطها على المسرح، أثناء عرض مسرحية «سيدتي أنا»، أدت إلى حدوث تمزق في وتر الإبهام.
ونشرت «داليا»، عبر حسابها على موقع الصور الشهير «انستجرام»، صورة للأشعة التي خضعت لها، وكتبت عليها: «حادثة صغيرة على ما قُسم كدة، اختل توازني على المسرح ووقعت وقعة جامدة حبتين.. نزلت بكل حملي على إيدي وحسيت برجة جامدة في دماغي.. وجع رهيب إيدي ورمت قلت بس أنا اتكسرت، كملت العرض الحمد لله وطلعت على الطوارىء هوب إشاعة هوب الحمد لله مفيش كسر بس فيه مزق في وتر الإبهام أدى إلى إن العضمة اتحركت من مكانها، كل ده تمام وألف حمد وألف شكر إنها بتيجي على قد كده».
وتابعت: «المشكلة بقى يا جماعة في إني اكتشفت إني مش عارفة أعمل أي حاجة بمعنى أي حاجة من غير الصباع ده، لا عارفة ألبس ولا أقلع ولا أفتح إزازة الماية مش عارفة أشيل حاجة مش عارفة أفتح باب العربية ولا أي أوكرة مش عارفة أسرح شعري ولا أغسل وشي ولا أي حاجة، وكمان مش عارفة اعمل scroll مش عارفة أعمل like، آه والله الـ Like بتوجعني جدًا، بس برضو الحمد لله دائمًا وأبدًا، ما يقع إلا الشاطر».
«سيدتي الجميلة» بطولة: نضال الشافعي، وداليا البحيري، وفريد النقراشي، وإخراج محسن رزق.
