علياء بسيوني تعلن طلاقها من أحمد سعد: ربنا ينتقم منك

أعلنت مصممة الأزياء علياء بسيوني، عبر حسابها الرسمي على موقع "إنستجرام" انفصالها عن زوجها النجم أحمد سعد بعد عامين من زواجهما.

وكتبت علياء بسيوني عبر خاصية الـ "STORY": "الحمد الله على كل شئ، تم الطلاق بيني وبين أحمد من شوية بناء على رغبته".

وأضافت: "حابة اشكر أحمد جدًا على أصله الغير طيب ومعدنه السيئ وحابة اقوله شكرًا على قرارك اللحظي الغير موفق في خراب بيتنا وتدمير اسرتنا الجميلة الانا حقيقي تعبت فيها لوحدي تمامًا وحاولت وعديت بمواقف مفيش حد في مكاني يقبلها عشان الاسرة دي وعشان المشوار الانا ابتديته ومكنتش حابة إنه ينتهي".

وتابعت علياء بسيوني في منشورها: "شكرًا على توقيتك الجميل وانا قاعدة ببنتي ٣ أيام وانت مش عارف حاجة عشان مشغول الساحل وخروجاته وبعدها شغلك.. أكبر شكر على المقلب الانا اخدته في العلاقة دي واللي كنت فاهمة أن ليها قيمة ببني وبضحي وبتنازل عشانها وأنت طلعتها والا تسوى.. ربنا معايا انا وبناتي في الجاي وينتقم منك ويديلك على اد كل حاجة حصلت".

انفصال أحمد سعد ومصممة الأزياء علياء بسيوني

يذكر أن النجم أحمد سعد تزوج من مصممة الأزياء علياء بسيوني في 21 أغسطس 2021، والتي تعد الزيجة الرابعة له، منذ ظهوره في عالم الأضواء والشهرة، واسفرت الزيجة عن انجاب طفلين.