انهيار طليقة حسن شاكوش على الهواء: خدعني للمرة الثالثة وأنا ما اعتذرتش (فيديو)

انهارت ريم طارق، طليقة مؤدي المهرجانات حسن شاكوش، على الهواء، وكشفت سر اعتذارها الأخير عبر مقطع فيديو، نشره على صفحته الشخصية بموقع «فيسبوك».

حسن شاكوش لطليقته: قبلت اعتذارك ودلوقتي ذكرتي إنك ماشفتيش مني غير الخير (فيديو)

سليم سحاب يستغيث بالمطربين: انقذوا حلمي بكر

سر انهيار طليقة حسن شاكوش على الهواء

وبحسب «ريم»، خلال لقاء ببرنامج «90 دقيقة» المذاع عبر فضائية «المحور»: "أنا بس محتاجة من كل شخص اتفرج على الفيديو، يضيع من وقته بس 30 ثانية، ويتفرج على الفيديو بتاعي اللي بـ أقول فيه إني اعتذرت له، أنا ما اعتذرتش على حاجة، ولا قولت إني شوفت منه كل خير، أنا الفيديو دا عملته؛ عشان آخد هدومي.. غير كدا، لا هو خدعني لتالت مرة".

وأضافت ريم طارق: "فيها إيه لما أطالب بحقوقي!، أنا مش واحدة من الشارع، دي حقوقي وهدومي، اللي ما أخدتهاش". 

محامي شيرين عبدالوهاب يكشف تفاصيل تعرضها للنصب والاستيلاء

عمر خيرت عن أغاني المهرجانات: لا يصح إلا الصحيح

واختتمت طليقة حسن شاكوش حديثها في هذا الشأن، قائلة: "حقوقي هي المؤخر والقايمة وأغراضي الشخصية مثل الملابس واعتذار حسن شاكوش، وأهل الخير اللي تدخلوا بيننا، حكموا إني غلطانة، لأني شهرت به، وأصريت على إني ما اعتذرش عن كلامي عنه؛  لأن كل كلامي عليه دليل"، مُشيرة إلى أن مؤخرها 300 ألف جنيه، وقائمة المنقولات بقيمة 200 ألف جنيه، و100 ألف جنيه ذهب، وقالت: "كان من المفترض أن آخد كل حقوقي، مقابل إني أصور فيديو أعلن فيه أنني أخدت على كل حاجتي الشخصية، لكن فضلنا شهر في مهاترات، وكل شوية يقول أنا في الساحل، وعندي حفلة ومش فاضي".