الورقي
السيسي لـ المصريين: اوعوا تفتكروا لما دولة يموت فيها 25 مليون من قلة الأكل مقاموش هدوها قاموا يبنوها
أكد الرئيس عبدالفتاح السيسي، أن المواطن البسيط الذي لديه أسرة تتكون من فردين لـ 3 أفراد بيعمل جمعيات علشان يربيهم، معقبا “عايزين تبنوا مصر كده يعني، هو إحنا في مغامرة واحدة دخلنا بيكم فيها”.
وقال الرئيس السيسي، خلال كلمته على هامش جلسة «واقع الاقتصاد المصري» بمؤتمر «حكاية وطن»، المذاع على قناة «إكسترا نيوز»، اليوم السبت: «انتوا بتعتبروا التنمية والبناء والإصلاح مغامرة ياااااه، لا تختزلوا قضية بلدنا ومتفرجوش الناس علينا اصمدوا اصمدوا وحولوا الظروف القاسية لمنحة وصدقوني كل ما هتصمدوا كل ما هتلاقيها بتعدي ومثلما عدت سنوات أزمة كورونا».
وأضاف الرئيس السيسي: «كنت بقولهم أنا هقفل بيت 5 ملايين مواطن ميلقوش ياكلوا ولا يشربوا مرضيناش نعمل كده»، مردفًا: «أن المجاعة في دولة معينة استمرت من عام 52-68، ومات بها 25 مليون مواطن، وعملوا برنامج ضبط النمو السكاني منذ 68 وأطلقوا الإنجاب عام 2017، وأصبحت دولة عظمى، اوعوا تفتكروا لما دولة يموت فيها 25 من قلة الأكل مقاموش هدوها قاموا يبنوها ولما قاموا يبنوها بقت عظمى النهاردة ده الدرس اللي تتعلموه».
وواصل الرئيس السيسي: «الدول مبتجيش كده، الدول العظمى كلها تضحيات مش بس في المعاناة لكن في العمل ناس بتعمل ومبتاخدش حاجة»، معقبًا ضاحكًا: «اكمن الدكتور معيط دايمًا يقطع قلبي بالكلام عن الفلوس كل مرة يقولك إحنا والله والمالية العامة كويسة جدًا وأنا شغال طول النهار، مش كده يا دكتور».
