«عاوز هدوم مفتوحة».. رباب ممتاز تكشف سبب خلافها مع محمد السبكي

«عاوز هدوم مفتوحة».. رباب ممتاز تكشف سبب خلافها مع محمد السبكي 

كشفت الفنانة رباب ممتاز عن سبب خلافها مع المنتج محمد السبكي في فيلم «حلاوة روح»، بسبب رفضها ارتداء ملابس «مكشوفة».

وقالت رباب ممتاز، خلال حوارها في برنامج «بنت البلد» المذاع عبر قناة TeN، اليوم الثلاثاء، إنها تعرضت للاتهام بمحاولة ركوب التريند بعد تصريحاتها ضد السبكي، مؤكدة أنها شخصية بعيد تمامًا عن فكرة «التريند».

وأضافت: «أنا لو عايزة أعمل تريند، عندي حاجات كتيرة أوي، أنا متكسفتش من اللي قولته، لأن ده حصل بالفعل، والمخرج سامح عبدالعزيز شاهد».

وأوضحت رباب ممتاز، سبب رفضها ارتداء الملابس المكشوفة قائلة: «طلب مني ألبس لبس مفتوح، وإحنا متفقين على لبس محدد من شهر، أنا معنديش مشكلة في اللبس، لكن اللبس كان غير مناسب للشخصية».

وتابعت: «طب إيه بتحطني قدام الأمر الواقع، خلاص مش هشتغل، ومشيت، أنا عادي بلبس لبس زي ده وقدمته في أعمال تانية زي مسلسل ذات، لكن الشخصية هنا متنفعش تلبس لبس مفتوح»، مشيرة إلى أنه لا يوجد لديها أي مشكلة مع السبكي.

خلاف رباب ممتاز ومحمد السبكي 

وقالت رباب ممتاز خلال لقاء تلفزيوني عن كواليس تصوير فيلم «حلاوة روح» إنتاج 2014 والذي تركته بسبب هذا الموقف: «وأنا بلبس في اللوكيشن، وكنا متفقين على اللبس وبقالنا شهر بنحضر للمشاهد، دخل المنتج محمد السبكي قال ألفاظ مش كويسة، وقال إيه ده دي لابسة كده ليه؟ دي تقلع هدومها، كل فريق العمل كان موجود، قال تفتح هدومها، عاوز هدوم مفتوحة».