عمرو أديب: بلينكن قال أنا يهودي وأبويا يهودي.. مستني منه إيه؟

أشاد الإعلامي عمرو أديب، بكل الإدارات الموجودة في المنطقة والتي أخذت موقفا موحدًا من وزير الخارجية الأمريكي أنتوني بلينكن.

وقال  خلال تقديمه لبرنامج «الحكاية»، عبر فضائية «MBC مصر»، مساء السبت: «بلينكن أول ما وصل إسرائيل، قال أنا يهودي وأبويا يهودي، وعائلتي من ضحايا الهولوكوست».

وأضاف عمرو أديب: «ده أول ما جه بسم الله الرحمن الرحيم قال كده، طب إنت متوقع من إيه؟! عشان إحنا عندنا يقولك إنتوا واخدينها بشكل ديني!».

وتابع أديب: «إحنا مسلمين ومسيحيين وعندنا ضحايا كثيرين من حروبنا مع إسرائيل، افتكر بقى بحر البقر، وأبوزعبل، وغيرها، لو عايز الجرائم الإسرائيلية ضد المدنيين في مصر أجيبلك تشوف مآسي».