الورقي
هنا شيحة تنهار في البكاء: اللي بيحصل في غزة فوق الوصف (فيديو)
أعربت الفنانة هنا شيحة عن حزنها الشديد على ما يتعرض له الشعب الفلسطيني، خلال الفترة الحالية، من هجمات الاحتلال الإسرائيلي المتكررة.
وظهرت، في مقطع فيديو عبر حسابها على موقع الصور الشهير «انستجرام»، وهي تبكي، وقالت: «أحب أبقي وشي أحلى من كده وأنا بكلمكوا أحب أصبغ شعرى أحب أعيش حياتي بشكل طبيعي أحب أنام بالليل من غير ما اقوم مخضوضة في نص الليل مبعرفش أنام من كتر المناظر اللي بنشوفها كل يوم المؤلمة المرعبة اللي محدش يتمنى يكون مكان الشعب ده ولا الأطفال دي ولا الأمهات دي.. التخيل بس إن أنت مكانهم وفيه قهر علينا».
وتابعت: «التفكير بقا في كيفية المساعدة إزاي نساعد إننا نفضل نتكلم عن الموضوع ونفضل ننشر ونساند بكل طريقة ممكنة اللي يقدر يساعد بدواء أو بهدوم أي حاجة الناس طلباها الناس بقيت معدمة ماشيين في الشارع، في مليون طريقة ممكن نساعد بيها ومليون مؤسسة عندنا بتبعت مساعدات لحد غزة خلينا كلنا نساعد باللي نقدر عليه».
وأضافت «هنا»: «يا رب يا رب الأزمة دي تنتهي على خير دون قصف تاني من غير إبادة أكتر من كده لأن اللي بيحصل ده فوق الوصف وفوق تحمل البشر لكي الله يا غزة وحسبي الله ونعم الوكيل ربنا معاكم».
وكانت حكاية «ما تيجي نشوف»من مسلسل «55 مشكلة حب»، هي آخر أعمال الفنانة هنا شيحة، مع: طارق صبري، ونهى عابدين، وملك قورة، ونبيل عيسى، وإخراج محمد الخبيري.
