الورقي
محمد سلام يعتذر عن موسم الرياض: مش هقدر أهزر وأرقص وإخواتنا بيتقتلوا (فيديو)
اعتذر الفنان محمد سلام عن عدم المشاركة في موسم الرياض، بمسرحية «زواج اصطناعي»، والمقرر بدء عرضها 30 أكتوبر الجاري، تضامنًا مع الأحداث التي تشهدها فلسطين.
وقال، في مقطع فيديو، عبر حسابه على موقع الصور الشهير «انستجرام»: «إن شاء الله مفروض بكرة أسافر الرياض عشان أعرض مسرحية، مفروض إنها مسرحية كوميدية وفيها أغاني واستعراضات، وهنعرض في وسط الأحداث اللي بتحصل في غزة.. فأنا مش متخيل الصراحة إن أنا هروح وأعمل مسرحية وأهزر وأغني وأرقص وإخواتنا في فلسطين عمالين يتقتلوا ومفيش حاجة بتحصلهم».
وتابع: «أنا مش هقدر أسافر طبعًا.. وليه بقول الكلام ده في آخر لحظة، لأني كنت على أمل إن المهرجان يتأجل أو يحصل الأمور تستقر لأهالينا، بس تقريبًا مفيش حاجة بتحصل ولحد الوقت اللي بكلمكم فيه ناس بتموت ومفيش حاجة بتحصل».
وأضاف: «فأنا إزاي أروح أعرض والناس بيحصلهم كده؟ أنا حاسس وسامحوني لو إحساسي أوفر شوية.. أنا حاسس لو عملت كده هبقى زي اللي بقتلهم بالظبط.. إني أنا خذلتهم.. ومش عارف أعملهم حاجة.. يعني مش كفاية السكوت وإننا مش قادرين نعمل حاجه فكمان مش هبقى ساكت بس لأ وعمال أهزر وأغني واللي بيحصل لسه بيحصل.. فأنا بعتذر عن مشاركتي في موسم الرياض».
وأوضح «سلام»: «أنا زي ناس كتير نفسنا نعمل حاجة ونساعد ومش قادرين.. بس لما ربنا يتوفانا ونتسأل كلنا أنت ساعدت أخوك المىىىلم في فلىىىطين عملتلوا ايه؟ اللي مقدرش يعمل حاجة هيسكت..أنا هرد أقول ايه.. أقول إن في الوقت اللي كان بيحصل كده؟ أنا كنت بعمل مسرحية كوميدية وبضحك وبرقص وبغني.. طبعًا مش هقدر أعمل كده، فأنا كان عندي أمل إن المهرجان تتلغي أو تتأجل.. ومليش إني اتدخل هو متلغاش ليه، ولكن مش هقدر أشارك».
وختم حديثه: «وأحب أقول في الآخر اللهم طهر قلبي من النفاقق وطهر أعمالي من الرياء.. الفيديو ده مش مقصود بيه أي حاجة خالص غير إني أنا فعلًا في مشكلة.. أنا كنت قاعد مع صحابي إمبارح فنانين، في ناس منهم قالتلي سافر ده أكل عيشك.. وفعلًا أنا التمثيل ده مصدر دخلي ورزقي ورزق أولادي واللي بصرف عليه من بيتي من التمثيل.. بس هل لو مسافرتش هموت من الجوع.. وناس هيقولوا بس التمثيل رسالة وخصوصًا الكوميديا وإنك تضفي عليه روح البهجة.. يعني من أدخل بهجة على قلب مؤمن ليه أجر.. والمفروض إنك تفرح حد ده شيء كويس.. بس السؤال مين اللي محتاجين إننا ندخل البهجة على قلبه دلوقتي؟ شكرًا».
مسرحية «زواج اصطناعي» بطولة: مي عز الدين، ومحمد سلام، وإيمان السيد، وسليمان عيد، وبيومي فؤاد، ومصطفى غريب.
