الورقي
أسما شريف منير: انتظمت في الصلاة.. وانتصرت على نفسي والشيطان
أعربت خبيرة التجميل والمذيعة أسما شريف منير، عن سعادتها بانتظامها في الصلاة، ووصفت شعورها بأنها انتصرت على نفسها وعلى الشيطان.
وكتبت، عبر خاصية «الإستوري» على موقع الصور الشهير «انستجرام»: «كل يوم أربعاء كنت بسهر مع صحابي، وكل مرة حتى لو بنبسط يوميها تاني يوم بيكون يوم وحش أوي، وكل مرة أقول مش هروح وبضعف وبروح، بقالي 12 يوم مرحتش، وده بدأ بإني حاسة إني عمري ما هعرف أرقص وأهيص في الوقت الصعب ده وبعدين بقى إحساس ليه علاقة بيا أنا واختياراتي».
وتابعت: «والنهاردة روحت مسجد صالح الجعفري صليت ورحت بعديها مقام الإمام الحسين صليت العشاء وكان إحساس في منتهى الهدوء والسكينة وقلبي كان مطمن وسعيد.. وأنا راجعة البيت عديت من جنب المكان اللي كنت بسهر فيه، قعدت أسبح لحد ما روحت وحسين كإني طلعت الأولى على المدرسة».
وأضافت: «إحساس كده مليان قوة وانتصار على الشيطان وعلى نفسي وده مش عشان أنا ضد السهر خالص، بس أنا ضد إنخا تبقى دي محور حياتي ويوم ثابت كده، التوازن مهم في كل حاجة، وأنا اتلهيت جدًا فأنا مبسوطة إني كل شوية بفوق وبصلح واحدة واحدة».
وذكرت «أسما»: «أنا بقول الكلام ده عشان عارفة إن في ناس زيي محتاجين يعرفوا إنهم مش لوحدهم، وإن هيجي عليك وقت تحس إنك محتاج تفوق وساعتها حقيقي هتكون سعيد بجد مش من برا بس ولا في السهرة بس، السعادة هتملى قلبك كله، ربنا يهدينا كلنا يا رب».
تصدر اسم أسما شريف منير، قائمة محرك البحث «جوجل»، خلال الآونة الأخيرة، بعد حلاقتها شعرها «على الزيرو»، وقالت إنها ليست نادمة على قرارها، وإنها خطوة جديدة في حياتها.
