زوجة أمير طعيمة تتهم أكرم حسني بخراب بيتها.. والمؤلف يرد (صور)

زوجة أمير طعيمة تتهم أكرم حسني بخراب بيتها.. والمؤلف يرد

هاجمت زوجة المؤلف أمير طعيمة، الفنان أكرم حسني، بسبب الأفكار الهدامة للأسرة، على حد وصفها، وتعبيرها أن تلك الأفكار والجلسات التي تجمع بين زوجها وأكرم حسني،  خربت بيتها.

زوجة أمير طعيمة تهاجم أكرم حسني 

وتحدثت “جيني” زوجة الشاعر أمير طعيمة، عبر حسابها الرسمي على موقع التواصل الاجتماعي "فيسبوك": « أنا بيتي قائم من 16 سنة محدش لا زعزعه ولا قرب منه ودي نتيجة إنك تدخل ناس بيتك معاهم ناس بتسمم أفكارهم».

وأضافت: «استقرار بيتي فوق أي اعتبارات يا أكرم ولو أنت هديت بيتك لأسباب القريبين عارفينها ما تسممش أفكار زوجي زيك ولو إنها خلاص انتهت.. يا رب تكون مرتاح أنت وهي Amir Teima حسبي الله ونعم الوكيل فيك أنت وهي #أكرم_حسني_أمير طعيمة_ #فلوس_الرياض_عجبتکوا_؟؟؟؟؟».
 

أمير طعيمة يرد على هجوم زوجته

من جانبه، رد الشاعر أمير طعيمة على هجوم زوجته على الفنان أكرم حسني واتهامه بإنه سبب انفصالهم، وكتب على صفحته الشخصية على الفيسبوك، قائلا: "انا منفصل رسميا من شهرين وكنت منتظر الإعلان الرسمي لحين الانتهاء من بعض الاجراءات القانونية اللي كنت اتمنى إنه الأمور تتم بشكل ودي حفاظا على مصلحة اولادي ورغبة مني ان الامور تتم بشكل يليق بعشرة سنين طويلة وللاسف لمًا ده ما حصلش الطلاق وقع.

أمير طعيمة يدافع عن أكرم حسني

وأضاف طيعمة: فيما يخص اقحام اسم اخويا وصديقي الفنان أكرم حسني:

اولا مش اكرم اول ولا اخر حد هييجي اسمه بالباطل وده للاسف كان متوقع

بس بما ان الهجوم منها دلوقتي على اكرم فعايز اقول التالي:

١- اكرم ملوش اي صلة بالطلاق وبالعكس لما عرف من مدة اني هاخد الخطوة دي نصحني ما اعملش كده لمصلحة اولادي.

٢- كصديق وكفنان هو من انضف الناس اللي اتعاملت معاهم واشهد ربنا اني عمري ما شفت منه غير كل خير واحترام.

٣- اكرم مش طرف مباشر أو غير مباشر في الطلاق، طلاقي لاسباب اكيد مش مكانها الفيس بوك ولا تخص احد غير الطرفين، مفيش حد في الدنيا بيطلق الا لاسباب تخصه.

٤- اكرم ما عملش هاك لحسابها والكلام ده ربنا عالم إنه غير صحيح.

واختتم طعيمة: "انا راجل موجود في الوسط الفني بقالي ٢٦ سنة واعتقد ان عمر ما حد سمع ليا حس ولا دخلت في مشاكل مع قريب أو غريب ومكنتش اتمنى اكتب البوست ده بس بما ان الكلام طال ناس ملهمش ذنب وجب عليا تحمل المسئولية والرد، وما زلت بتمنى ما اضطرش  ارد في يوم اخر على هجوم اخر على اي شخص لمجرد إنه صديق وبيتعامل معي فنيا.. ما زلت بتمنى من زوجتي السابقة ترك مساحة من الود عشان بنا اولاد وربنا بيقول: (وإذا طلقتم النساء فبلغن أجلهن فأمسكوهن بمعروف أو سرحوهن بمعروف) وده اللي بحاول فيه من البداية وهحاول فيه للنهاية، ربنا يهدي الجميع.