الورقي
بعد مرور 18 عاما.. عصام كاريكا يكشف كواليس أغنية "ياللي نسيت الغرام" من فيلم "بوحة" (فيديو)
كشف الفنان والملحن عصام كاريكا، لأول مرة كواليس أغنية "ياللي نسيت الغرام" الذي لحنها للنجم محمد سعد في فيلم "بوحة" الذي عُرض عام 2005.
وبعد مرور 18 عاما على أغنية "ياللي نسيت الغرام" التي حققت نجاحًا كبيرًا منذ عرضها في الفيلم، روى عصام كاريكا خلال مقطع فيديو نشره عبر حسابه الرسمي على تطبيق "تيك توك" تفاصيل الأغنية، قائلًا: "أغنية أول ما عرفت إنك عايزني جيت أوام، كانت في بداية الأمر لمطربة من المنصورة، وبعد سماعها الأغنية أعجب بها كثيرًا ودفع عربونها، لكنه تفاجأ بعد يومين باتصال تليفوني من خطيبها وإخباره أن المطربة لن تستمر في مشوار الغناء، مطالبًا باسترداد العربون، ووافق بالفعل".
أغنية ياللي نسيت الغرام
وقال عصام كاريكا: "في الوقت ده كنت بعمل مسرحية شبورة ومحمد سعد بيعمل مشهدين بصوت أطاطا وسمع الأغنية في الاستوديو وقالي حلوة، وفي الوقت ده عملت لمحمد كمان أغاني فيلم 55 إسعاف وفيلم اللمبي وفيلم اللي بالي بالك، ولما جينا نعمل فيلم بوحة شرحلي المشهد، وطلب مني الأغنية اللي سمعها لما كان عندي في الاستوديو وقت مسرحية شبورة، وطلب كمان يتكتب موال في بدايتها".
فيلم بوحة
وأضاف: "موال ياللي نسيت الغرام كتبه الشاعر الراحل سمير زكي.. وبعدها كلمتني مي عز الدين وقالتلي إن اسمها كوتة في الفيلم وطلبت مني نضيف اسمها في الأغنية، ولكن واحنا في الاستوديو اختلفنا، وده اللي ضايقني وزعلني، الأغنية فيها قافية وكان عايز يشيل جملة تحت السلم بنام وقالي محمد سعد مش عجباني وعايز استبدلها بكلمة سجادة بين إيديك، ولو اتغيرت يبقى لازم هنغير القافية، فكلمت المنتج وائل عبد الله، وقالي معلش عشان خاطري مشيهالي".
وتابع عصام كاريكا: "وائل عبدالله بعتبره أخ وصديق، وكنت قاعد في الاستوديو قلبي بيتقطع، رغم إني كنت ناجح وقتها وعملت شكل كتير مع نجوم كبار الوقت ده، ولكن جيت على نفسي، ومشيتها سجادة بين إيديك، ونجحت الأغنية نجاح غير طبيعي.. وكمان لما غناها من فترة كورال روح الشرق".
واستكمل عصام كاريكا حديثه قائلًا: "قلبي اتقتل مرة تانية لما لقيت جماعة بتوع المهرجانات اللي مش بيسيبوا أي حد في حاله وياخدوا اللحن ويحطوا أي كلام ومش مهم مين لحنها، وأخدوا لحن الأغنية ومحدش كلمني، بعد اللي حصل ده أقول إيه؟ لا إله إلا الله".
