نجوى إبراهيم تحتفل بتعافيها من السرطان بطريقة خاصة (صور)

أعلنت الإعلامية نجوى إبراهيم، خلال تصريحات لها في برنامجها "بيت العز" على إذاعة نجوم أف أم، تعافيها من مرض السرطان.

وقالت نجوى إبراهيم: "أنا فرحانة جدا ومبسوطة جدا.. ومش عايزة حد يقول دى طلعت من أسبوعين ودلوقتي بقت كويسة الموضوع بقاله أربعة أشهر بس مرضتش أعلن عنه ربنا أراد الشفاء بسبب دعواتكم اللى استقبلتها".

وأضافت: "بعد أربع أو خمس شهور قلق حابة أفرحكم وهي جت كده من عند ربنا وبيجيلي كم دعوات كتير منكم اعتبروني من النهاردة لسة وجه جديد معاكم.. أنا هسكت كفاية إنى أقولكم بحبكم من قلبي حقيقي وبعزكم وبحترم الجمهور اللي بدأ معايا وأنا كنت لسة صغيرة شبر ونص لغاية دلوقتي، هبدأ النهاردة حياتي معاكم واعتبروني وجه جديد".

وأقامت إذاعة "نجوم إف إم" احتفالا بتعافي نجوى إبراهيم من السرطان، بحضور هالة حجازي، المدير التنفيذي والعضو المنتدب لشركة النيل للإنتاج الإذاعي، اليوم الخميس.