بعد انفصالها من تامر حسني.. بسمة بوسيل: دلوقتي رجعت أعمل اللي يبسطني

كشفت الفنانة المغربية بسمة بوسيل، عن تفاصيل حياتها بعد انفصالها من النجم تامر حسني، وعن مشاريعها المقبلة.

وأضافت بسمة بوسيل خلال لقائها مع برنامج "دقيقة نفهم": "اللي جد على حياتي إني رجعت أعمل الهوايات بتاعتي اللي بحبها وبالنسبة لي الغنا كان أكتر حاجة بتخليني أخرج برة الروتين دلوقتي بقيت بعمل دا بقيت بغني زي زمان وموهبة الغناء كانت عندي لكن مقررتش أحولها لاحتراف علشان كنت عايزة استمتع بالموضوع".

وتابعت بسمة بوسيل: "دلوقتي بقى عندي حرية أكتر أقرر لنفسي اللي يبسطني، لكن مظنش هعمل ألبوم مع شركة منتجة لإن شغلي واخد كل وقتي".

وأعلنت الفنانة المغربية بسمة بوسيل عن انفصالها رسميًا من زوجها النجم تامر حسني، يوم 27 أبريل الماضي، وكتبت: "وجعلنا بينكم مودة ورحمة، دا كلام ربنا في الزواج والطلاق لقد تم الطلاق بيني وبين تامر.. وسيظل بيننا كل ود واحترام.. وربنا يكتبلك ويكتبلي كل الخير آمين يارب".