الورقي
متهم في قضية هدير عاطف: جذبنا العملاء من ستوريهات الإنستجرام والشركة ملهاش اسم أو مكتب
أدلى المتهم تامر، زوج شقيقة طليق البلوجر هدير عاطف في التحقيقات التي تجري في اتهامه بالنصب والاحتيال على مئات الضحايا بحجة تشغيل أموالهم في تجارة السيارات والعقارات والبورصة بالاشتراك مع زوجته هاجر وشقيقها بلال وطليقته البلوجر هدير عاطف، باعترافات تفصيلية أمام جهات التحقيق.
متهم في قضية هدير عاطف: جذبنا العملاء من ستوريهات الإنستجرام والشركة ملهاش اسم أو مكتب
وتنشر النبأ أقوال المتهم الثالث في قضية هدير عاطف والمدعو تامر وجاءت كالآتي: الاستثمار كان في مجال العقارات والسيارات والبورصة، ووسيلة الإعلان كانت عن طريق صفحة بلال طليق هدير عاطف، على الإنستجرام، على صفحة اسمها بيلي ديب، وكانت إعلانات عن الاستثمار في العقارات والسيارات والبورصة بعائد شهري كبير متفارق النسب، وهو بينشر المنشورات على الصفحة، من ساعة ما أنا اشتغلت معاه في شهر 6 والمنشورات دي بتنزل وانا معرفش قبلها ولا لا.
وأضاف المتهم تامر في اعترافاته: بلال طليق البلوجر هدير عاطف هو المسئول عن نشر الحاجات دي، وهي منشورات على حسابه على إنستجرام وكان بتبقى عبارة عن أن من يرغب في الاستثمار في العقارات والسيارات والبورصة والحصول على عائد شهري كبير يتواصل على أرقام هواتف أنا مش متذكرها، ومعرفش هي بتاعة مين بالظبط بس هي كانت بتستخدم للتواصل مع الناس اللي عاوزين يستثمروا فلوسهم.
وأكمل المتهم الثالث في قضية البلوجر هدير عاطف: أنا شغال كول سنتر وكان بحوزتي أرقام التليفونات دي وبرد على العملاء اللي راغبين في الاستثمار، وكان بيبقي معايا الأرقام دي ساعات والناس كانت بتتواصل معايا عشان تيجي تقعد مع بلال، وكانت مكالمات من عملاء بناء على الإعلان الموجود على إنستجرام وعاوزين يقعدوا مع بلال، والعملاء كانوا بتصلوا علي الأرقام وأي حد مني أنا وهاجر أو حد من اللي شغالين في الشركة بيرد عشان يرتبوا مواعيد مع بلال، وكانت من عملاء كتير معرفش أساميهم.
كما جاء في اعترافاته: العملاء كانوا بيتصلوا علي التليفون ويقولوا إحنا شوفنا الإعلان وعاوزين نيجي نتقابل مع بلال طليق هدير عاطف عشان نستثمر فلوسنا وزي ما مكتوب في الإعلان، وأنا كان دوري أرتب المواعيد واللقاء بين العملاء وبلال، واللقاء بينهم كان في المكتب بتاعه في بيته، ومكنتش بحضر كل اللقاءات، ومضمون اللي كان بيدور في اللقاءات اللي كنت حضرتها بين العملاء وبين بلال، كانوا بيتكلموا مع بعض في النسبة والمدة وبلال كان بيفهمهم إنه هيستثمر في العقارات والسيارات والبورصة وكانوا بيوقعوا عقد شراكة بالفلوس اللي هتدفع والنسبة اللي هتدفع، وأي حد كان بيتصل كان بيتم التعامل معاه.
وأضاف في أقواله: بلال طليق البلوجر هدير عاطف كان بياخذ مبالغ مالية من العملاء ويتم تحرير عقد شراكة بيمضي عليه بلال والطرف الثاني اللي حط فلوس، وأنا معرفش مقدار الفلوس اللي اتاخدت قد ايه بلال هو اللي عارف الفلوس قد ايه، وبلال هو اللي عارف بياناتهم بس كل بياناتهم في عقود الشراكة اللي متحررة
