الورقي
نص التحقيقات في واقعة سرقة مجوهرات الفنانة ميرهان حسين بالمقطم
ننشر نص التحقيقات في واقعة سرقة مجوهرات الفنانة ميرهان حسين القضية التي حملت رقم 2996 لسنة 2024 جنح المقطم، والمتهم فيها عدد من العمال أثناء تشطيبهم شقة والد الفنانة ميرهان حسين.
المتهم الثاني في سرقة ميرهان حسين: رحنا ناخد باقي حسابنا الناس ضربتني أنا والأسطى وطلبوا النجدة
تحقيقات سرقة الفنانة ميرهان حسين
وقال المتهم الثاني محمد.م في واقعة سرقة الفنانة ميرهان حسين أمام جهات التحقيق: اللي حصل إن أنا والصبي بتاع أحمد اشتغلنا مع المهندس حسين في شقتين واحدة في الدور الأول والثانية في الدور الثاني علوي وعملت شغل السيراميك اللي فيهم وبعد ما خلصت شغل وكان معايا في الشغل أحمد، وبعدها خلصنا الشغل اللي كان مطلوب منا، وطلبنا حسابنا والمهندس حسين كان سايبلنا حسابنا مع واحد جاره ولما جاره ده حاسب الأسطى أحمد وقاله أنت لك معايا 5 آلاف جنية فقاله تمام مفيش مشكلة.
وأضاف المتهم الثاني في واقعة سرقة مجوهرات الفنانة ميرهان حسين: قلتله خلي المهندس حسين يجيبلي باقي حسابي عبر المحفظة الإلكترونية ومفيش مشكلة، بس بعدها البشمهندس حسين كلم الأسطى وقاله تعالى علشان تاخد باقي حسابك، فالأسطي قاله ماشي أنا جايلك، ولما وصلنا مكان البيت بتاعه لقيت ناس واقفه ضربتني وشتمتني وقالتالي إن المهندس حسين يتهمني أنا والأسطى بالسرقة وطلبوا النجدة وأخدونا على القسم ولما روحت القسم لقيت محمود هناك وعملولنا محضر وجينا النهارده النيابة.
وتابع المتهم في واقعة سرقة مجوهرات الفنانة ميرهان حسين: لما فتشوني ملقيوش معايا حاجه، ومعرفش الحاجة دي بتاعت مين، ومعرفش الحاجة دي محطوطالي ليه وهو بيقول كده ليه، وأنا مسرقتش حاجة، وأنا أعرف أحمد علشان أنا شغال صبي معاه، ومحمود أنا معرفهوش.
