الورقي
رد مفاجىء من هدى الإتربي على انتقادات ملابسها الجرئية في «العتاولة»
ردت الفنانة هدى الإتربي على الانتقادات التي وجهت إليها، بشأن ظهورها بملابس جريئة في مسلسل «العتاولة».
وقالت، خلال لقائها ببرنامج «تفاعلكم» على قناة «العربية»: «بالعكس في موضوع اللبس بالذات كنا بنحاول نبقى شبه الطبقة البسيطة، الناس اللي مش معاهم يجيبوا لبس على الموضة، المتعارف عليهم ممكن يكونوا مبيلبسوش ده، لكن في ناس بتلبسها في الطبقة دي ومنعرفهاش».
وتابعت: «هي معتمدة على إغواء الناس عشان تحقق أهدافها، فـ أكيد متعودة إنها تلبس ضيق، في الآخر دينا بتفكر في إغواء اللي حواليها وهى فرحانة قوي إنها بتجيب الرجالة بدلعها، فهو شكل وملابس الشخصية أكتر من ضيق ولا لأ».
وأكملت «هدى»: «والله مش شايفة إنها جريئة، شايفة إن أنا بلبس اللبس المناسب لسني وشكلي وجسمي والمكان اللي أنا فيه، سواء كنت في مهرجان أو مقابلة صحفية أو جلسة تصوير».
مسلسل «العتاولة» بطولة: أحمد السقا، وطارق لطفي، وباسم سمرة، وفريدة سيف النصر، ومي كساب، وأحمد عبد الله، ومريم الجندي، ومصطفى أبو سريع، وأحمد كشك، وسامي مغاوري، ومؤمن نور، وهو من تأليف هشام هلال، وإخراج أحمد خالد موسى.
