بسبب آيفون 15.. نهى تطلب الخلع داخل محكمة الأسرة

«بخيل وبيرفض يصرف علينا، وهو على قلبه فلوس كتير، ومش راضي يجيبلي آيفون 15»، بتلك الكلمات وقفت الزوجة "نهى. ر" تطلب الخلع من زوجها أمام محكمة الأسرة، متهمة زوجها بالبخل لرفضه شراء آيفون 15 لها، فضلا عن تعديه عليها بالضرب.

وتابعت الزوجة في دعواها أمام محكمة الأسرة، بأنها تزوجته وهي على علم بكل دخل زوجها، حيث يملك مصنع ملابس بالشراكة مع أخيه، ولكنه على عكس أخيه، «أخوه كريم مع مراته، ده غير ليها التليفون بتاعها وجابلها آيفون 15، وكمان كل شهر يجيب ليها دهب جديد».

وأضافت الزوجة في دعواها أمام محكمة الأسرة بأنها كانت على موعد عشاء مع أخو زوجها وزوجته، وأثناء تناولهما الطعام شاهدت هاتف زوجة أخيه الجديد، «سلفتي بدأت كيد السلايف، وفضلت تهز إيديها عشان تسمعني صوت الغوايش، وتمسك التليفون وتتصور وتبعت ليا الصور، وتوريني الآيفون عشان تدايقني، وأنا ظهر عليا الزعل، وطلبت نمشي».

وأشارت الزوجة إلى أنها بعد وصولها المنزل هي وزوجها طلبت منه تغيير هاتفها لماركة آيفون 15، ولكنه تحجج بالأموال، فرفضت الاقتناع وأخبرته أنها لازالت تحمل 14 وزوجة أخيه لديها الأحدث،  « سلفتي غاظتني عشان معايا آيفون 14 وهي اشترت آيفون 15، قولتله اتصرف مليش دعوة بالظروف، أنا عاوزة أغير اللي معايا عشان قديم، هي مش أحسن مني، واجهته بحقيقته إنه بخيل ».

حاول الزوج بقدر الإمكان تهدئة غضب زوجته لكنها رفضت، وأهانته ووصفته بالبخيل، الأمر الذي جعله يصفعها ويتعدى عليها ضربا،« بيقولي أنا راجل وليا الحق أقول لاء أو آه، هو إيه دخل الرجولة في الآيفون»، لذا قررت الزوجة اللجوء لمحكمة الأسرة لطلب الخلع.