«أنا مهندسة مش خدامة».. مريم تطلب الخلع أمام محكمة الأسرة

«عاوزني أطبخ واغسل وأربي العيال، وأعمل غدا وفطار، أنا مهندسة مش خدامة، ودي إهانة ليا»، كلمات قالتها الزوجة "مريم. خ" أمام هيئة محكمة الأسرة وهي تطالب بالخلع من زوجها بسبب مطالبته لها بأداء مهامها المنزلية، ورفضها تحضير وجبات الطعام له، واعتبار ذلك مهانة لمكانتها.

البداية روتها الزوجة في دعواها أمام محكمة الأسرة، مؤكدة أنها تزوجت بعد قصة حب مشتعلة جمعت بينهما توجت بالزواج أخيرا، بعدما حصلا على إعجاب كل المحيطين بهما على قصة حبهما الخيالية حتى انتهت في أروقة محكمة الأسرة،« صدمني بطبعه الغريب وطلباته اللي مش بتخلص، كل شوية جعان، عطشان، عاوز شاي، اغسلي الهدوم، ومفيش راحة، الموضوع مهين جدا».

وتابعت الزوجة أمام محكمة الأسرة بأنها تناقشت مع زوجها عدة مىات ليصلا في النهاية إلى اتفاق پتحضير الغداء يوميا، وباقي أمور المنزل ستقوم بها فتاة ستحضرها لمساعدتها في تنظيف الشقة وترتيب الملابس وكيها،  «سنتين واحنا متجوزين وهو بيحاول إنه يقنعني أكون خدامة، وبدل ما حياتنا تكون رومانسية مصمم إني أعمل كل حاجة في البيت بنفسي، وفي النهاية بيتخانق معايا عشان عاوز يفطر».

وأضافت الزوجة في دعواها أمام محكمة الأسرة، بأن زوجها ظل يقنعها طوال العامين بترك عملها كي تتفرغ للمنزل وطلباته،« بيقولي أنا طول النهار في الشارع، عاوز أفطر من إيد مراتي، وأرجع ألاقي الأكل جاهز ومراتي مستنياني، وأنا مقدرش أسيب شغلي وحياتي وأقعد في البيت، هو لازم أصحى كل يوم وأجهز الفطار، يعني كل الستات بتفطر أزواجها، ما أنا كمان عندي شغل وبصحى بدري زيه»؛ ومع استمرار محاولات الزوج قررت الزوجة اللجوء لمحكمة الأسرة لطلب الخلع.