قضاء وقدر.. ماذا قال عصام صاصا عن اتهامه بالقتل وقيادة سيارته برعونة؟

حصلت «النبأ»، على نص تحقيقات النيابة العامة مع عصام صاصا، مطرب المهرجانات، في اتهامه بالقتل الخطأ لمواطن أثناء مروره من أعلى الطريق الدائري بمنطقة الطالبية في الجيزة، 6 مايو الماضي.

عصام صاصا

نص التحقيقات

س: ما قولك فيما هو منسوب إليك من أنك متهم بقتل المجنى عليه أحمد مفتاح أحمد وكان ذلك ناشئًا عن إهمالك ورعونتك وعدم إحرازك واتباعك للقواعد والقوانين بأن قمت بقيادة السيارة رقم (ى ر- ١٤٣٨)- بحاله پنجم عنها الخطر وبالسرعة أعلى من السرعة المقررة قانونًا على النحو المبين بالأوراق؟
ج: الكلام ده محصلش.

س: ما الذي حدث إذن وماهي ظروف ضبطك وعرضك علينا؟
ج: اللى حصل انا كنت شغال في المعادى في مكان وخلصت الشغل واتحركت على الساعة ٤.٣٠ صباحا وانا ماشى على الدائرى مروح البيت وعند بنزينة موبيل اللى قبل طلعة الوصلة كان في عربيتين على شمالي مش شايف منهم ولقيته مرة واحدة قدامى ومعرفتش اروح في اي حتة فخبطته ولقيت الازاز والكبوت في وشي ووقفت والناس اتلمت وعرفت إنه مات وهو ده كل اللى حصل.

س: متى وأين حدث ذلك تحديدًا؟
ج: الكلام ده حصل النهاردة بتاريخ ٢٠٢٤/٥/٦ الساعة ٥:١٥ صباحًا تقريبًا.
س: من كان برفقتك آنذاك؟
ج: كنت لوحدى.

س: ملك من السيارة رقم (س ي ر- ١٤٣٨)؟
ج: العربية ملكي وباسمي.

س: منذ متى وأنت تمتلك تلك السيارة؟
ج: من حوالي 5 شهور بس.
س: ما هو ظروف تقابلك مع المجنى عليه أحمد مفتاح أحمد تحديدًا؟
ج: أنا مرة واحدة لقيته بيعدي الطريق ومعرفتش اعمل أي حاجة، عشان مكنتش شايفه بسبب العربيات اللي جمبي.

ضحية عصام صاصا

س: ما هي السرعة التي كنت تقود سيارتك عليها حال اصطدامك سالف الذكر؟
ج: كنت ماشی ۷۰.

س: هل استخدمت آلة التنبيه حال مشاهدتك للمجنى عليه آنذاك؟
ج: أنا ملحقتش اعمل أي حاجة خالص.

س: هل استخدمت مكابح السيارة آنذاك؟
ج: أنا ملحقتش اعمل أي حاجة.

س: ما هي حالة الطريق آنذاك من حيث المارة؟
ج: لا مكنش فيه عربيات كتير بس كان فيه عربيتين جمبى واحدة منهم الملاكي، كانت هتخبطه قبلى بس عرف يتفاداه وأنا معرفتش.

س: ما هي حالة الطريق من حيث الضوء والرؤية آنذاك؟
ج: لا الحتة دى ضلمة خالص.

س: ما تعليلك إذا لحدوث وفاة المجني عليه في تلك الواقعة؟
ج: هو ظهر قدامي فجأة وأنا ملحقتش اعمل حاجة، ولو كنت أقدر أقف كنت وقفت بس انا مكنش قصدى اخبطه.

س: هل لحق ثمة تلفيات بالسيارة خاصتك؟
ج: أيوه حصل فيها تلفيات.

س: ما هي طبيعة تلك التلفيات؟
ج: وش العربية كله باظ والازاز والكبوت والاكصدام.

س: هل تتهم ثمة أشخاص بثمة اتهامات؟
ج: لا أنا مش بتهم حد.

س: هل من ثمة علاقة أو خلافات بينك وبين المجني عليه سالف الذكر؟
ج: لا أول مرة أشوفه وقت الحادثة.

عصام صاصا

س: ما قولك فيما جاء بمحضر جمع الاستدلالات «وتلوناه عليه»؟
ج: أيوة أنا خبطته بس مكنش قصدي.

س: ما قولك فيما جاء بتحريات المباحث «تلوناه عليه»؟
ج: أيوة ده قضاء وقدر، وأنا مكنش قصدي.

س: أنت متهم بقتل المجني عليه أحمد مفتاح أحمد، وكان ذلك ناشئًا عن إهمالك ورعونتك وعدم احترازك وعدم اتباعك للقواعد والقوانين بأن قمت بقيادة السيارة رقم (س ي ر 1438) بحالة ينجم عنها الخطر وبالسرعة أعلى من السرعة المقررة قانونًا على النحو المبين بالأوراق؟
ج: أنا مقتلتوش أنا مكنش قصدي وهو اللي ظهر فجأة قدامي وأنا ملحقتش أعمل حاجة.