أحمد سعد: ندمان إني لبست الحلق وكنت سعيد بالانتقادات
![أحمد سعد](images/no.jpg)
رد النجم أحمد سعد على الانتقادات التي واجهته بعد ظهوره في إحدى الحفلات يرتدي حلق في أذنه وقميص من الشبك.
وقال أحمد سعد خلال لقائه في برنامج Sold Out من تقديم الإعلامي محمود سعد، ضاحكًا: "أنا ندمان إني لبست الحلق، الغرب كتير جدا بيلبسوا الحلقان تقاليدهم وكده، والحلق ملوش علاقة بالستات يعني مش بتاع ستات بس، وفي شباب كتير بيلبسوه، في موضة معينة خلاص الدنيا بقت مفتوحة دلوقتي مبقاش زي زمان الدنيا كلها باصة على بعض".
وأضاف: "أنا رحت إيطاليا دورت على أكبر ستايلست يلبسني، بس هو غالبا قلعني مش لبسني لأنه الطقم كان بكم عادي خلاني شبك، أنا قلت ألبس على أحسن موضة، وميلانو معروفة هي منارة الموضة فجابلي الجاكيت والحمد لله عشان عاداتنا وتقاليدنا هو كان معاه جيبه بس قلت لأ مش عايز أزودها، رميت الجيبه وضربت الشبك، وناس كتير لبست شبك".
وتابع أحمد سعد: "أنا شوفت كم نقد كبير أنا كنت بتشتم 3 أيام في الأسبوع زي المضاد الحيوي، يعني ثابت الساعه 6، بس أنا اتبسط أوي من النقد ده لأن الناس شافتني منهم، وحبوني ابقى في بيوتهم ودي حاجة أنا فخور بيها، وصدقوني انا بعمل كل ده للناس، وبختار كل أغانيا عشان تدخل البيوت".