الورقي
تامر عاشور يدافع عن أهل شيرين بعد التسجيلات الصوتية: كل اللي اتقال مش صح
دافع الفنان تامر عاشور عن أسرة الفنانة شيرين عبد الوهاب، بعد أزمة التسجيلات الصوتية المسربة لزوجها السابق الفنان حسام حبيب.
وكتب، عبر حسابه على موقع التواصل الاجتماعي «تويتر»: «كل اللي أقدر أقوله في موضوع شيرين عبد الوهاب إن مفيش كلمة واحدة بس من اللي اتقالت وانتشرت صح، أنا قريب من أهل شيرين ووالدتها وأخوها».
وتابع: «أنا برضه أقولها إني بحبها وكل الدنيا بتحبها وتحب فنها، أهل شيرين مظهروش في حياتها آخر سنتين تلاتة أهل شيرين هم أهل شيرين من زمان كل نجاحات شيرين كانت وسط أهلها وناسها اللي يشيلوها من على الأرض شيل، يارب يبعد عنها كل خبيث وأناني وفاشل وممثل».
وأكمل: «هي أطيب منهم كلهم وهم اللي وقعوها فكل مشاكلها.. أنت بمن حولك.. لو اللي حواليك فشلة غصب عنك لازم تبقى زيهم وتعافر علشان تقدر تمارس اللي كنت بتعمله في عدم وجودهم بمنتهى السهولة».
وأضاف «عاشور»: «أنا كلت عيش وملح في بيتها وفي بيت أمها وأخوها وكان لازم أقول الكلام ده علشان الكلام ده هو الكلام الحقيقي ولا كلمة من اللي اتقالت واتسمعت ليها أساس من الصحة … أهل شيرين هم هم أهل شيرين من زمان قوي.. بالعقل».
عاد اسم كل من الفنان حسام حبيب والفنانة شيرين عبد الوهاب، لتصدر قائمة محرك البحث «جوجل»، من جديد، خلال الساعات الأخيرة الماضية، عقب تداول تسجيلات صوتية لـ«حبيب»، وهو يقول إن عائلة «شيرين» هي سبب تأخر مستواها الفني، وإنهم السبب في خلافها مع شركة «روتانا».
