انفصام في الشخصية.. دعوى خلع تثير الجدل داخل محكمة الأسرة
![دعوى خلع](images/no.jpg)
«بعد عشرة 10 سنين جواز، قررت أخلعه، عنده انفصام في الشخصية، وبيتأثر بأي حد وبيقلد كل الناس، وأنا استحملت كتير، بس في النهاية جه ضربني زي ماصاحبه ضرب مراته»، كلمات قاسية بررت بها الزوجة "سهام. ل" دعواها لطلب التفريق بينها وبين زوجها خلعا، بعدما ملت من تغير مزاجه اليومي، وكان هذا السبب الرئيسي في تفاقم الخلافات بينهما.
وأضافت الزوجة في دعواها أمام محكمة الأسرة بأن زوجها، تتغير شخصيته يوميا، فلم تكن على علم بمرضه عندما تزوجته، لتتفاجيء به وتتحمله ولكن دون جدوى، «ما كنتش أعرف إنه هيبقى مجنون أوي كده، كان بيتعامل معايا عادي قبل الخطوبة، بس أول ما اتجوزنا لقيت واحد تاني في المعاملة خالص، وكل يوم بحال وشخصية جديدة، يوم يحبني ويوم لا، يوم يبقى حنين عليا ويوم تاني لا».
وتابعت الزوجة في دعواها أمام محكمة الأسرة، بأنها حاولت الاستمرار بتلك الحياة لـ10 سنوات على أمل أن يتغير يوما ما، ولكن في الحقيقة زوجعا كان يتمادى في معاملته غير المفهومة معها؛ الأمر الذي جعل المشكلات تتفاقم بينهما، «مش فاهمة حاجة ولا قادرة أعرف في ايه، دا غير إنه بيتأثر باللي حواليه أوي، ولو شاف أي حد بيعمل أي حاجة مع مراته ييجي يعملها معايا، مش مهم الحاجة دي حلوة ولا وحشة، المهم يقلد وبس، وفي النهاية واحد صاحبه ضرب مراته لقيته جه يضربني من غير ما حتى يفكر ده صح ولا غلط».
وأشارت الزوجة إلى أنها لم تتحمل الاستمرار في الحياة الزوجية بهذا الشكل؛ فقررت طلب الطلاق منه وديا، ولكنه رفض؛ لذا كانت محكمة الأسرة هي الحل الأخير لها.