أحمد حلمي: عادل إمام مثلي الأعلي ومقدرش أعمل مسرحية تقعد 11 سنة
![أحمد حلمي](images/no.jpg)
أكد أحمد حلمي، أن قدوته في المسرح الزعيم عادل إمام، قائلا: «بالنسبة ليا يعني إيه مسرحية تقعد 7 سنين؟ وأقل مسرحية تقعد 5 سنين وفي مسرحية بتقعد 11 سنة، إزاي الجمهور مخلصش المفروض يخلص».
عودة أحمد حلمي للمسرح
وأضاف "حلمي" في لقاء مع et بالعربي: «مقدرش أقدم مسرح يقعد 11 سنة، دا رقم الزعيم محدش يجي ناحيته، 11 سنة إلا يوم أقف لأن دا الرقم القياسي بتاعه محدش يقدر يكسره».
وتحدث أحمد حلمي عن عودته للوقوف على خشبة المسرح بعد غياب 23 عاما منذ آخر مسرحياته «حكيم عيون» وقال: «من وقت حكيم عيون لحد النهاردة المسرح خد منحنى قرب للانقراض لغاية ما ابتدى يرجع تاني وابتدى في إقبال جماهيري الناس بتحب المسرح، الاختلاف من وقتها للنهاردة بقى فيه تقنيات حديثة وشكل جديد وناس بتقدم حاجات زي ما بنتفرج على خدع بتحصل في السينما جوا خشبة المسرح، وأتمنى نوصل للمستوى العالمي ده لأن هو دا الإبهار المسرح مش بس ضحك، ضحك وابهار».
يشارك في بطولة مسرحية "ميمو" وهنا الزاهد، أحمد رزق، حمدي المرغني، محمد رضوان، رحمة أحمد، نور إيهاب، إنتاج كرافت ميديا، تأليف ضياء محمد، إخراج هشام عطوة.