أحمد كامل وزاب ثروت يجتمعان لأول مرة فى أغنية "زى الجنة"

طرح النجم أحمد كامل ونجم الراب زاب ثروت، فيديو كليب أغنيتهما الجديدة التى تحمل عنوان "زى الجنة"، فى تجربتهما الأولى معا وذلك على اليوتيوب، والمنصات الموسيقية الرقمية، ومحطات الراديو.

أحمد كامل وزاب ثروت

أغنية "زى الجنة" من كلمات وألحان أحمد كامل وزاب ثروت، وتوزيع موسيقى، ماهر الملاخ، وإخراج يارا عياش، وإنتاج شركة "جاما ميوزيك" للمنتج محمد جابر.

ودارت فكرة التصوير، من خلال مفهوم البودكاست (podcast)، حيث ظهر كل من أحمد كامل وزاب ثروت وهما فى محادثة، يحكى كل منهما تجربته للأخر.

وتقول كلماتها الأغنية:.
ده انا عينى شافت كل شئ الا العيوب

حبك ده ذنبي ومسيرى عنه يوم اتوب

واللى باقيلي بقايا منى فيها روح

وكلام اغاني مبقاش يطيب الجروح

كانت زي الجنة انسى ولا استنى كانت احلى غنوة من كل اللي اتغنى

خلصت الحكاية مش هنحكى عنها مش هتبقى معايا مش هنيجي في بالها

كانت زي الجنة انسى ولا استنى كانت احلى غنوة من كل اللي اتغنى

خلصت الحكاية مش هنحكى عنها مش هتبقى معايا ومش هنيجي في بالها

الدنيا مش بمبى وانتى مش جنبي

ولا دمعة تنزل على خدى الذنب مش ذنبي

منا عارف وعرفت الناس بتخبى نواياها يا صاحبي

فأياك تحكى أو تشكى ألمك احبابك احلامك دايما ليهم خبى

عمري بيكبر والخوف اكبر شايف الغلطة هتتكرر

راهنت زمان على ناس وخسرت دلوقتي هبطل

سنين بتعدى وبنعافر يمكن انساكي ف الاخر

يمكن نتعاتب واسامح مش عارف

آه يازمن لعبت بيا والتمن دفعته لوحدى

والالم جوايا بيكبر ايه العمل

آه يازمن لعبت بيا والتمن دفعته لوحدى

والالم جوايا بيكبر ايه العمل

كانت زى الجنة انسى ولا استنى كانت احلى غنوة من كل اللي اتغنى

كانت زى الجنة انسى ولا استنى كانت احلى غنوة من كل اللي اتغنى

خلصت الحكاية مش هنحكى عنها مش هتبقى معايا  و مش هنيجي في بالها