منال في دعوى طلاق بمحكمة الأسرة..«7 سنين عايشة في عذاب»
![طلاق الضرر](images/no.jpg)
«كنت فاكرة الحياة بعد الجواز هتكون وردي، 7 سنين عايشة فيهم متعذبة، وأنا كل يوم بصبر نفسي لكن مفيش فايدة»، هكذا وقفت الزوجة "منال. هـ»، أمام محكمة الأسرة، تطالب بحقها في الطلاق، مؤكدة أنها تعيش حياة تعيسة مليئة بالمشاجرات والخلافات بسبب تكاسل زوجها في المنزل دون عمل، وتحملها كافة المسئوليات.
البداية كلنت بدخول الزوجة إلى محكمة الأسرة لتروي معاناتها التي تعيش فيها من بداية الزواج مع رجل خلف بكل وعوده معها وتحول لشخصية بعيدة تمامًا عن الذي رسمتها في بالها،«كنت فاكرة هيعيشني ملكة زي ما هو كان بيقولي قبل الجواز بس كنت غلطانة لما صدقته، عشان اتجوزت من هنا ولقيت واحد تاني خالص معايا، وأنا اللي بقيت بصرف وشايلة البيت وهو ميعرفش عن البيت أي حاجة خالص».
وأضافت الزوجة في دعواها أمام محكمة الأسرة، أن الحال استمر بتلك الطريقة لسنوات طويلة كانت هي عمود البيت بعدما وجدت حالها مسئولة عن المنزل بمفردها وهروب الزوج من المسئولية،« كنت فاكراه راجل وبيتحمل المسئولية بس من أول الجواز وهو قاعد في البيت على طول من غير شغل، وأنا طبعا اللي بقيت بصرف على البيت، وبقيت بلف البيوت وامسح السلالم عشان اعرف اصرف على البيت والعيال، وهو ولا هو هنا مش عايز يشتغل ولا يعمل أي حاجة».
وتابعت الزوجة في دعواها أمام محكمة الأسرة، بأنها ظلت تعتقد لـ7 سنوات أن الحال سيتبدل، ولكن في الحقيقة هي من تبدلت، واستمرت الزوجة المسئولة عن المنزل والأولاد دون أي تدخل منه ما جعل الخلافات تتصاعد بينهما، وبعد 7 سنوات على هذا الحال قررت قصد محكمة الأسرة وإقامة دعوى طلاق،«تعبت من المسئولية وهو مش راضي ينزل شغل، وبقا حابب قعدة البيت ومش فارق معاه البيت محتاج مصاريف إيه، أخر ما زهقت رفعت عليه قضية طلاق».