محمد علي رزق: اللي حصل مع تامر ضيائي يوم وفاته شيء مهين

كشف النجم محمد علي رزق، تفاصيل ما حدث مع الفنان الراحل تامر ضيائي، يوم وفاته وخلافه مع إحدى أفراد الأمن في المستشفى، الذي كان يذهب إليها مع زوجته المصابة بالسرطان حتى تأخذ جلسة كيماوي. 

تامر ضيائي

وكتب محمد علي رزق، عن تامر ضيائي، عبر حسابه الشخصي بموقع التواصل الاجتماعي فيسبوك: "شهادة لوجه الله، أنا أعرف تامر ضيائي من 2004 من أيام فرقة عين الشمس، ودخلنا مركز الإبداع سوى في 2006 وفضلنا صحاب لغاية ماربنا استرد أمانته".

وأضاف: "تامر ضيائي طول عمره إنسان محترم وعلى مدار 20 سنة عمري ماشفت تامر  متعصب أو شخص متجاو، اللي حصل مع تامر يوم وفاته شئ مهين خلاه ينفجر، تامر بقاله 17 سنة بيراعي زوجته في مرضها عمرنا ما سمعنا عنه إنه عمل مشكلة وكان صابر وراضي بقضاء ربنا".

واستكمل: “تامر لم يتجاوز الدور زي ماقالوا…بشهادة سوزان زوجته إنهم كانوا واخدين رقم 421 ولما جيه الرقم إللي قبلهم بدأوا يقربوا من الباب ولما وصل كان رقمه جيه الأمن منعه وقاله فيه ناس هتدخل الأول فتامر رفض إن حد يتجاوز دوره ومن هنا بدأت المشكلة، تامر إنفجر علشان مراته التعبانه إللي قاعدة مستنية دورها علشان تاخد الجلسة فيلاقي الأمن بياخد فلوس علشان يدخل ناس قبل دورها”.

واختتم “رزق” رسالته قائلا: “تامر ما عملش حاجه غير إنه اتمسك بحقه ولما لاقى الراجل بيتعامل معاه بشكل مهين انفجر، حسبي الله ونعم الوكيل، ربنا يرحمك يا تامر ويجعلك من أهل الجنة”.