أحمد فهمي يكشف رأيه في تعدد الزوجات: صعبة بس جميلة
![أحمد فهمي](images/no.jpg)
تحدث النجم أحمد فهمي عن فكرة تعدد الزوجات خاصة بعدما تزوج جده 17 سيدة، وفقًا لما قال.
وقال خلال لقائه في Gossips أحمد فهمي: "جدي تزوج 17 واحدة بعد سن الخمسين وبعد ما جدتي اتوفت، أنا لسه قدامي فترة عشان ابتدأ، معرفش ممكن أعمل له زيه ولا لأ، عمري ما اقدر أقول لك حاجة من قبل ما تحصل، هو أنا كنت اعرف ان حياتي هتبقى كدة".
وعند سؤاله هل من الممكن أن تتزوج أكثر من سيدة في نفس الوقت، أضاف فهمي: "صعبة، بس جميلة، هتهرب فين خلاص طول عمرك!".
وعن صفات فتاة أحلامه، قال: "أهم حاجة تبقى بتضحكني، وذكية وشكلها يبقى حلو، وبتضحك دي أهم حاجة، احنا هنقعد مع بعض كتير والشكل هتتعود عليه، ولما تتفرجوا كل يوم على حاجة تضحكوا عليها وتفهموا هزار بعض".
يذكر أن النجم أحمد فهمي قد تزوج 3 مرات، الأولى من شهد رمزي والثانية منة حسين فهمي والثالثة هنا الزاهد.