سلمت بيتي لعديمة أمانة.. فريدة سيف النصر تكشف تعرضها للسرقة
![فريدة سيف النصر](images/no.jpg)
كشفت النجمة القديرة فريدة سيف النصر، عن تعرضها للسرقة، وذلك من خلال منشور كتبته عبر حسابها الشخصي بموقع التواصل الاجتماعي فيسبوك.
فريدة سيف النصر
وقالت فريدة سيف النصر: «ياجماعة طنط فريدة اتروقت جامد، استغرب جدا من اللي يمد إيده ياخد حاجاتك بمنتهي البجاحة ويسرقك وأنت مآمنه جدا، طيب إزاي هاتسلم بيتك لحد وتلاقيه خانك.. وممكن تأذيه لكن يصعب عليك عيالهم، برغم أن سهل جدا لو طلبوا الحاجات دي تديهالهم بطيب خاطر وبالحلال بدل مايبقوا حرامية وخاينين».
وأضافت: «أنا أول مرة في حياتي أبعد عن بيتي كتير ومن يوم مارجعت للنهاردة كل شويه اكتشف كوارث متاخدة.. كل ما أحتاج حاجه أدور مالقيهاش.. منك لله يا شيخة.. ياجماعه أنا واضح إني سلمت بيتي لعديمة أمانة وخاينة ومش عايزه اسب ولا أذي علشان ماعملتش لهم بلوك ويمكن عيالها يهزءوها.. لكن لو في عندها ضمير ؟.ضمير ايه وزفت ايه يافريدة».
واختتمت رسالتها قائلة: «العوض علي الله بس مش هاتتهني أنا عارفه نفسي اللي بيخونني أو يظلمني ربنا في ظهري.. حسبي الله بجد.. هو أنا ناقصه الحمدلله».