عمر كمال: الجواز العرفي كويس ومش عايز أخلف

كشف المطرب عمر كمال عن مواصفات الفتاة التي يريد الارتباط بها، ورأيه في الزواج العرفي، لافتًا إلى أنه يريد أن يتزوج لكن لا يريد أن ينجب أطفال.

وقال عمر كمال خلال لقائه في برنامج "حد النجوم"، مع الإعلامية سالي عبد السلام، والذي يعرض على القناة الأولى: "عايزها تكون طيبة وبنت حلال وعايز واحدة شغلها في الحياة عمر، أصل هتشتغل ليه تهتم بيا".

وأضاف: "حبيت مرتين لكن مكنش في نصيب، والجواز العرفي أحسن وكويس لأن الناس بتدخل في كل حاجة بتبوظها".

وتابع عمر كمال خلال حديثه: "أنا مش عايز أخلف مش بحب، عايز يبقى عندي زوجة عيال لأ لأنهم مسئولية ووجع قلب، مسئولية تقيلة أني أجيب حد للحياة وأكون مسئول عن زعله وفرحه ومش هعرف أربيه، أنا مش فاضي أربي ومش هعرف هبقى حنين أوي ومش هعرف أخد موقف، أنا بدلع ولاد إخواتي زيادة عن اللزوم".

واختتم قائلًا: "أنا مش عايز أخلف عشان لو حبيت انفصل انفصل بسهولة، أنا إنسان مزاجي والشغل بيتحكم في مزاجي جدا وكل يوم بصحى بحال وممكن أغنية أكون منزلها ومتنجحش يبقى مزاجي زي الزفت، وممكن أزعق وأكسر المكان".