انتقادي سبب رزق اللجان الإلكترونية.. أول تعليق للفنانة هند عاكف عن فستانها المثير للجدل (فيديو)

ردت الفنانة هند عاكف على انتقادات إطلالاتها المثيرة، التي ظهرت بها في حفل افتتاح المهرجان القومي للمسرح، في دار الأوبرا.

وقالت هند عاكف في تصريح خاص لـ "النبأ": "هو وجهلي انتقاد وكأنه كان مغمض عينه، هو عايز يثير الجدل، وقولت ليه ميصحش تقول الكلام ده، مش عشان أنت عايز تطلع تاخد عدد مشاهدات زيادة تقول كلام غلط مش موجود! أنا أسف كأنك مش شايف ومغمض عينك وتقول كلام ميصحش يتقال لأن الجمهور ممكن يصدقه لأنه هو اللي يجري معي الحوار فأكيد هيقولوا هو شايف، وبعدين المراسل قالي أصل أنا بهزر، وقولت له الحاجات دي مفيهاش هزار.. لا يجوز لأن الجمهور هيصدقه لأنه هو اللي شايف".

وعن تصريحها بأن مصمم الأزياء لفت نظرها قبل ارتداء الفستان أنه من الممكن إثارة الجدل، أوضحت هند عاكف: "قالي خلي بالك لو قالولك كذا تعرفي تردي وتقولي دي بطانة الفستان، فشكرا ليه أنه لفت نظري، والفستان خلص وانتهى وأنا مقتنعة بيه".

أما عن الانتقادات، ردت قائلة: مبضايقش وبحب الناس كلها، وبحب الانتقادات السلبية والإيجابية، وأنا عارفة لجان إلكترونية واللجان دي بها العديد من العاملين وده أكل عيشهم وعمل مشاهدات، وممكن الشخص الذي ينتقدني يكون بيحبني جدا، وساعات بيقولولي كمان بس ده شغلنا وأنا مسمحاه عشان أكل عيشه.. أنا ربنا جعلني سبب من أسباب الرزق للأخرين، ومبزعلش". 

يذكر أن الفنانة هند عاكف، أثارت جدلًا واسعًا، خلال حضورها حفل افتتاح الدورة السابعة عشرة من المهرجان القومي للمسرح المصري، مساء الثلاثاء، حيث ظهرت بفستانا لونه أزرق ذات بطانة بلون الجسم بيج، وشعر ذهبي، مع الماكياج اللافت.