إبراهيم عبدالله: أنا أكتر واحد اتشتمت في صفقة مصطفى محمد

قال  إبراهيم عبدالله مستشار الاستثمار والتحويل الرقمي بمجلس إدارة الزمالك في بودكاست #بره_الملعب: أنا أكتر واحد اتشتم لما مصطفى محمد  مشي من الزمالك، واللاعب عيط عشان عايز يحترف.. وقولت في مداخلة تليفزيونية وقتها مش هنبيع مصطفى محمد للنادي الفرنسي، إلا لو كشف مسؤوليه عن الشخص اللي طلب عمولة

أضاف، هناك بنود في عقد بيع مصطفى محمد إلى جالطة سراي لم يحصل عليها الزمالك، وهي بند تأخير دفع المبلغ المالي، وهي غرامة 500 ألف دولار عند تأخر الدفع أسبوعًا، والبند الثاني يعتبر العقد لاغيًا إذا تأخر النادي التركي في الدفع مدة تصل لأسبوعين، والزمالك لم يحصل على تلك البنود ولم يطالب بها.

وأوضح إبراهيم عبدالله، هناك بند في عقد مصطفى محمد أنه لا يحق لأي نادٍ في مصر التعاقد مع اللاعب إلا بموافقة كتابية من نادي الزمالك.

وتابع، مرتضى منصور كان عاوز يمشي طارق حامد بالعافية من الزمالك واللاعب رفض.

واختتم، طارق حامد اللاعب الوحيد من اللاعيبة اللي مشيت اللي أتمنى يرجع الزمالك تاني، وبيراميدز عرض عليه عليه  5 أضعاف مرتبه ولكن اللاعب رفض وتمسك بنادي الزمالك، 
و لو خيرتني بين كل اللاعبين الراحلين هيكون قراري عودة طارق حامد فورا.