الورقي
خالد الصاوي يرد على شائعة وفاته: سمعت إني مت امبارح
رد الفنان خالد الصاوي على الشائعات التي انتشرت خلال الساعات الماضية عن وفاته.
وفاة خالد الصاوي
وقال “الصاوي” في فيديو طريف نشره عبر حسابه على Instagram.: "سلام عليكم أزيكم يا أحبائي، أنا سمعت إن أنا مت امبارح فجيت اطمن خير في حاجة كده ولا إيه، على العموم أنا موتوني 4 مرات في 3 أو 4 سنين وأحيانا قالوا أن أنا أولادي ماتوا، اللهم ما احفظنا طبعا بس أنا معنديش أولاد".
وأضاف: "أحب أوضح بعض النقاط الناس دي مش هنقول نواياها إيه لما بتعمل إشاعة أكيد عندك غرض ولا إنت بلا شخصية واللي بتسمعه بتحطه على النت على طول، طب إنت مش عارف أن دا ممكن يبقى تأثيره بايخ على الأهالي، ما علينا أول حاجة الشخص اللي يعمل كده دا شخص كاذب نعمل إيه بقى عشان هو أساسا عايز اللايكات، نطلع كلنا من البروفايل بتاعه وننبه الآخرين".
وتابع: "وأؤكد أن أنا في الحاجات الضرورية جدا والحساسة لازم أطلع وأؤكد أو أنفي الحاجة وثقوا يا جماعة أن أنا لو مت هكون أول واحد يطلع ويقول".
