مبروك علينا رجوعك.. هيفاء وهبي تساند شيرين عبد الوهاب في محنتها الأخيرة

ردت النجمة اللبنانية هيفاء وهبي، على النجمة شيرين عبد الوهاب بعدما وجهت لها الشكر على دعمها الدائم لها في محنتها.

وكتبت هيفاء وهبي عبر حسابها الرسمي على منصة "إكس": "حبيبتي شيرين أنا ما عملت شي وإنتي بتستاهلي كل خير مبروك علينا رجوعك لفنك الجميل ومبروك لجمهورك المشتاق، بحبك".

يذكر أن النجمة شيرين عبد الوهاب حرصت على توجيه الشكر للفنانة هيفاء وهبي، التي هنأتها بطرح أغانيها الجديدة خلال الأيام الماضية، وقالت خلال منشور لها عبر حسابها الرسمي على موقع "إنستجرام": "أنا رديت على النجمة هيفاء وهبي مش عشان باركتلي على الأغاني النجمة هيفاء وهبي عملت معايا مواقف جدعة اقرب الناس ليا ما عملتهاش علشان نفسيتي تبقى أحسن، كانت بتكلمني يوميا عند الدكتور وكانت عاوزة تاخدني أقعد عندها وتخرجني ومودي يبقى حلو وتدخلني مكان يظبطولي الفيتامينات اللي في جسمي ويخسسوني".

وأضافت: "هيفا اثبتت ان الصديق الوفي مش لازم هو اللي جنبك ممكن يكون بعيد عنك، من أجدع وأنظف وأكرم الناس اللى شفتها فى الوسط الفني هيفا بموقفها ده اشترتني طول عمري وهفضل لحد ما أموت ممتنة ليها ولوقفتها معايا في الوقت ده.. الوقت اللي كنت فيه وحيدة وتعبانة ومكتئبة وبعيط وجت اطمنت عليا وحسستنى اني ليا اخت فعلا شكرا يا هيفا يا حبيبتي. وياريت ياريت فى مصر لو في مشاكل انا بناشد اى حد ان الست دى طيبة جدا جدا متستاهلش إلا كل خير".