الورقي
شيرين تعلق على أزمتها مع «روتانا»: نفسي أجرب سجن النساء
تحدثت الفنانة شيرين عبد الوهاب عن تفاصيل أزمتها الأخيرة مع شركة «روتانا»، والتي جعلتها حديث الساحة، خلال الساعات الأخيرة.
وقالت، خلال مداخلة هاتفية لبرنامج «الحكاية» للإعلامي عمرو أديب، على قناة Mbc مصر، إنها فنانة كبيرة، ولها جمهور كبير، وأن جمهورها هو من سيقف في وجه كل من يحاول إيذائها.
وأكملت: «يا ريت تخليني أقفل، عشان مش عايزة أقول حاجة تخليهم يمسكوا عليا حاجة، وأنا سجن النسا وحشني جدًا، ونفسي أجرب تجربة سجن النساء دي».
وأردفت شيرين: «أنا خلاص جتتي نحست ومش فارق معايا حاجة.. وهبقى كوين في السجن».
وأضافت: «تواصلت مع توني سمعان موزع روتانا، وطلبت منه أنه يأخد الأغاني، ولكنهم رفضوا استلام الأغاني».
وأوضحت: «هما مش عايزين يستلموا الأغاني، عايزين شيرين عبدالوهاب حصري، مهما روتانا عملت هنزل الأغانى على البوتاجاز، وعلى فكرة النجاح اللى أنا فيه دلوقتي الفضل فيه سببه للناس».
