الورقي
شيرين ترفض الصلح مع «روتانا»: ضاع من عمري كتير.. والجمهور سبب نجاحي
روت الفنانة شيرين عبد الوهاب تفاصيل أزمتها الأخيرة مع شركة «روتانا»، موضحة أنها أصبحت لا تحتاج إلى أية شركات، وأنها سعيدة بهذا الحال.
وقالت، في مداخلة هاتفية لبرنامج «الحكاية» للإعلامي عمرو أديب، على قناة Mbc مصر، إن حالتها الصحية جيدة للغاية، مضيفة: «كتر خير الجمهور.. وعلى دماغي اللي بيعمله علشاني، وأنا ماضية دلوقتي مع شركة ربنا، وهو اللي ممشيني ومنجحني وواقف معايا».
وأكملت: «الكل لازم يلزم حده ومحدش يجيب سيرتي.. أنا فنانة كبيرة وجمهوري أكبر».
وعن فكرة تصالحها مع شركة «روتانا»، علقت شيرين: «آسفة، أنا ضاع من عمري كتير أوي، والنجاح اللي أنا شايفاه دلوقتي الفضل فيه للناس.. هما اللي توجوني فوق دماغهم، والشعراء والملحنين والموزعين والناس اللي في الشارع، الناس اللي بتحبني».
واستكملت: «الناس دي هما اللي بهديهم الأغاني بتاعتي دي ببلاش عشان هما يستاهلوا أكتر من كده».
