الورقي
زوجة عصام صاصا تفجر مفأجاة بشأن طلبها الخلوة الشرعية مع زوجها بالسجن
علقت زوجة عصام صاصا، مطرب المهرجانات الشهير، على أنباء طلبها خلوة شرعية بزوجها داخل سجنه.
وقالت زوجة عصام صاصا، في فيديو لها عبر "إنستجرام" إنها لم تتقدم بأي طلبت يتعلق بالخلوة الشرعية بزوجها داخل محبسه.
وأكدت أنها طلبت تصريح زيارة له هي ووالدته لعدم تمكنهم من زيارته خلال الأيام الماضية.
وتابعت: “مش عارفة ابدأ الموضوع منين، بينزل عليا أخبار كذب كتير ومكنتش حابة أطلع أتكلم غير لما أطمن على عصام لحد ما نزل خبر إني طلبت خلوة شرعية به، وده كدب، والحقيقة أننا بقالنا فترة ماشفناهوش وطلبت تصريح زيارة أنا ومامته علشان نشوفه، فليه التحريف والكذب؟”.
واستكملت: “دخلنا في أعراض ومكنتش حابة أتشغل في حاجة زي دي دلوقتي وتركيزي مع مشكلة جوزي، والموضوع دخل في سياق تاني خالص، والكومنتات وحشة، وليه التشهير بسمعة وأعراض الناس؟”.
وأضافت زوجة عصام صاصا: “أنا أخدت إجراء قانوني ضد كل من حرف تصريحات، وضد كل أكونت شهر بيا وبسمعتي، والنقطة التانية اللي عاوزة أتكلم فيها هي كونك تكره شخص ميسمحش لك تغلط فيه وتسوأ سمعته”.
واستطردت: “أنا أخدت إجراء ضد أكتر من أكونت بيسوأ في سمعتي وبيشهر بيا، وده حقي ومش مسموح حد يسيئ ليا ولجوزي، ومش هسمح حد يتكلم عليه ومش هسمح حد يغلط فيا أو يسوأ سمعتي”.
وختمت حديثها قائلة: “أنا متضايقة ومش عارفة أنا أذيت مين علشان يتقال عني كده؟ أنا عندي مشاعر وبزعل ولما يتقال عليا كلام وحش بزعل، لكن لازم أوقف المهزلة دي لأن البلد فيها قانونية، وبنفي صلتي بأي خبر كذب نزل، أنتم بتتكلموا في عرض وحاجة مش مسموح بيها وأنا مصرحتش بيها”.
