خالد الصاوي ينعي كلبته برسالة مؤثرة: "حبيبة قلب بابي"

أعلن النجم خالد الصاوي منذ قليل، عن وفاة كلبته، برسالة مؤثرة، عبر حسابه الشخصي بموقع التواصل الاجتماعي فيسبوك. 

خالد الصاوي

وكتب خالد الصاوي: "باي باي حبيبة قلب بابي،
يا رب أرجوك أجمعني بيها وبميكي يوما ما، ان شاء الله في حلم طويل".

على الجانب الآخر، كان النجم خالد الصاوي، رد على الشائعات التي انتشرت خلال الساعات الماضية عن وفاته، وقال  في فيديو طريف نشره عبر حسابه الشخصي بموقع تبادل الصور والفيديوهات الشهير إنستجرام: "سلام عليكم أزيكم يا أحبائي، أنا سمعت إن أنا مت امبارح فجيت اطمن خير في حاجة كده ولا إيه، على العموم أنا موتوني 4 مرات في 3 أو 4 سنين وأحيانا قالوا أن أنا أولادي ماتوا، اللهم ما احفظنا طبعا بس أنا معنديش أولاد".

وأضاف “الصاوي”: "أحب أوضح بعض النقاط الناس دي مش هنقول نواياها إيه لما بتعمل إشاعة أكيد عندك غرض ولا إنت بلا شخصية واللي بتسمعه بتحطه على النت على طول، طب إنت مش عارف أن دا ممكن يبقى تأثيره بايخ على الأهالي، ما علينا أول حاجة الشخص اللي يعمل كده دا شخص كاذب نعمل إيه بقى عشان هو أساسا عايز اللايكات، نطلع كلنا من البروفايل بتاعه وننبه الآخرين، وأؤكد أن أنا في الحاجات الضرورية جدا والحساسة لازم أطلع وأؤكد أو أنفي الحاجة وثقوا يا جماعة أن أنا لو مت هكون أول واحد يطلع ويقول".