أيتن عامر: مش هتكلم في أموري الشخصية على السوشيال ميديا عشان المشاكل متكبرش (فيديو)

علقت الفنانة أيتن عامر على الخلافات المنتشرة منذ فترة مع طليقها مدير التصوير محمد عز العرب، بعدما صرح الأخير بأنه لم يرى أبنائه منذ عام تقريبا.

وقالت أيتن عامر: "أفضل عدم الحديث في أموري الشخصية على السوشيال ميديا، واعتقد أنا هذا اسلم حل علشان المشاكل متكبرش أكتر من كدة".

وأضافت: "أنا مش مهتمة اني ادافع عن نفسي خالص لأن دي مشاكلي أنا وتخصني أنا وأهلي وأولادي، لكن متخصش الجمهور، ومبحبش اشرك الجمهور في أي مشاكل شخصية لي، وعشان كدة مبتكلمش وملتزمة الصمت واعتقد أن ده احسن لكل الأطراف، واحتراما أيضًا للطرف الأخر".

وكانت أيتن عامر قد تحدثت في تصريحات إعلامية لـ ET بالعربي، قائلة: "هو موجود دائما وبيكلمهم على طول"، مضيفة: "كان معاهم في أول يوم مدرسة وأنا وهو شاركنا بعض في نجاحات كتير"، مضيفة: "إحنا عندنا مشروع عمرنا ما هنقدر نفركشه وهو ولادنا".

ويرد مدير التصوير محمد عز العرب، عن حقيقة تصريحات أيتن عامر الأخيرة، وكتب عبر حسابه الرسمي على موقع "إنستجرام": إن شاء الله هغير مكان حكم الرؤية عشان أعرف أشوف ولادي.. ٢٠٢٣/١١/٦ آخر يوم شوفت فيه ولادي.. هو المفروض الجد يرفع قضية رؤية عشان يشوف أحفاده اللي مشفهمش من سنة".