ميسرة عن تقديم أدوار الإغراء: «معنديش مشكلة المهم الدور والورق»

تحدثت الفنانة ميسرة عن فكرة تقديم أدوار الإغراء موضحة أنها لا ترفض تقديمها لكن ما يهمها هو السيناريو والدور.

وقالت ميسرة خلال لقائها في برنامج "الستات" مع سهير جودة عبر قناة "النهار": "الدور اللي بيحكم لو جالي ورق بمستوى "عباس الأبيض" أو "السفارة في العمارة" ممكن يتقال أني معملتش أدوار كبيرة في السينما أه بس سايبة علامات في حاجات ممكن تضحك الناس ودا علاج نفسي جميل يا إما تكون أدوار ليها معنى وساعتها هعملها".

وتابعت ميسرة: "جالي دور بطولة في فيلم برضو إغراء بس ابتذال رفضته، كان ممكن يدخلني في مكانه تانية".

ميسرة: موافقة أعمل مشاهد فيها عري وبوس بس تتوظف صح

ميسرة: عاوزة أتجوز وائل الدحدوج

وأكملت: "أنا مش رافضة المبدأ لكن طريقة الصياغة والورق بيودي على فين، مش هطلع مثلا أنها رقاصة وتتشهر والرجالة تجري وراها كده البنات هتبقى عايزة تقلدها، لازم نشوف مصيرها إيه".

يذكر أن آخر أعمال ميسرة كان مسلسل "سره الباتع" في رمضان 2023.

مسلسل "سره الباتع"، بطولة أحمد السعدني، خالد الصاوي، حسين فهمي، هالة صدقي، أحمد عبد العزيز، أحمد فهمي، ريم مصطفى، هدى المفتي، حنان مطاوع، شريف حافظ، أشرف زكي، شريف الدسوقي، كريم فهمي، بيومي فؤاد، عمرو عبد الجليل، صلاح عبد الله، محمود قابيل، ميدو عادل، خالد أنور، خالد سرحان، منة فضالي، نجلاء بدر، أحمد وفيق، مأخوذ عن قصة قصيرة للأديب الراحل يوسف إدريس، تأليف وإخراج خالد يوسف.