قبل نهاية عام 2024.. أبو يطرح اغنية "الحرب العالمية"

طرح المطرب أبو، منذ قليل، أغنيته الجديدة التي تحمل عنوان "الحرب العالمية"، قبل نهاية عام 2024، وذلك على موقع الفيديوهات الشهير يوتيوب، والمنصات الموسيقية الرقمية ومحطات الراديو.

أغنية أبو الجديدة 

أغنية أبو الجديدة “الحرب العالمية”، وهى من كلمات ابو ومحمد شافعى، وألحان ابو، وتوزيع موسيقى سيكا منير ماهر، وتتحدث الأغنية عن الحب بنوع من الفانتازيا.

وتقول كلمات أغنية أبو الجديدة:.

بيقولوا النووي هيضرب ومفيش حد هيبقي سليم 
وان الدنيا دي فجاه هتقلب عركه ما بين امريكا والصين
وان الكوكب اكس هينزل يخبط فوق راس ناس ماشيين
واننا بكره نتعايش مع حبايبنا الفضائيين

وكمان الفتره الجايه شكلها كده هتكون مؤذيه
كل الاخبار بتقول دي بوادر الحرب العالمية
طب ايه رايك يا حبيبتي لو تاخدي قرار وتخليني 
ومدام الدنيا دي كدا بايظه اديني فرصه وحبيني

ما تحبيني والنبي حبيني
سيبك من العالم حبك دا مطلع عيني 
ما تحبيني والنبي حبيني
بيقولوا الدنيا بتخلص
وبقول ان انتي وحشتيني

يا حبيبتي يا عينيا
في شريحه بتخلي الناس 
زي الروبوت بالملي
والموضوع ده بقا حساس
سيبك بس وجاوبيني
فيها ايه لما تحبيني
نعرف بعض نعيش حاله 
قبل ما يلغوا الاحساس
حبيني

ما تحبيني والنبي حبيني
سيبك من العالم حبك ده مطلع عيني
ما تحبيني والنبي حبيني
بيقولوا الدنيا بتخلص وبقول ان انتي وحشتيني

حبي حبي حبيني
ما حبي حبي حبيني
حبي حبي حبيني

يشار إلى أن الفنان أبو، كان سيطرح أغنية "الحرب العالمية "فى أكتوبر الماضي، إلا أنه قام بتأجيل طرحها، نظرا لأحداث الحرب التى كانت من العدو الصهيونى على الأراضي اللبنانية.