الورقي
رامي صبري: "تامر حسني عنده صفاء نفسي مش موجود عندي أنا شخصيا"
وجه النجم رامي صبري، رسالة يشيد من خلالها بالنجم تامر حسني، ويكشف عن تعاونه معه في دويتو جديد بعنوان “فعلًا مبيتنسيش”، من المقرر طرحها خلال الفترة المقبلة.
رامي صبري
ونشر رامي صبري، صورة تجمعه بتامر حسني وو يمسك له المايك حتى يغني خلال عزفه على البيانو، وذلك عبر حسابه الشخصي بموقع التواصل الاجتماعي فيسبوك.
وعلق قائلا: “أنا بشوف الصورة دي بشكل تاني خالص، أولًا تامر فنان أخ وغالي ومحترم وواثق في نفسه، ودي للأسف مش موجودة كتير في مغنيين كتير ناجحين، ولكن عندهم مشاكل كبيرة ومايعرفوش يبقوا زي الراجل المحترم اللي ماسك المايك ده”.
وأضاف رامي صبري قائلا: “تامر حسني فنان كبير جدًا جدًا، ولما اشتغلت أنا وهو في الديو اللي هاينزل الفترة اللي جاية، فهمت هو ليه محبوب جدًا.. أولًا علشان عنده صفاء نفسي مش موجود عندي أنا شخصيًا، أه والله أنا دايمًا ليا رد فعل، إنما هو بيسيب الحاجات زي ماهي وما بيحبش يرد ودي حاجة صعبة جدًا جدًا.. عاوز أقول مش كل فنان أو نجم يستحق.. لأن دايما الأخلاق واحترام زمايلك هو الموضوع مش بس الفن”.
واستكمل: "شكرًا تامر حسني على ذوقك واحترامك ليا، دايما في التصوير ودايما كنت تقولي انت مبسوط ايه رايك محتاج حاجه ؟ كل ده ماينفعش يطلع غير من فنان حقيقي عنده احساس بالناس والأهم واثق من نفسه قريبًا جدًا هتشوفوا وهاتسمعوا أغنية ( فعلًا مبيتنسيش ) على جميع منصات الموسيقى في العالم".
يشار إلى أنه يتعاون النجم تامر حسني، مع النجم رامي صبري، في أغنية دويتو جديدة تحمل عنوان فعلا مبيتنسيش، من المقرر طرحها خلال الفترة المقبلة، على موقع الفيديوهات الشهير يوتيوب وجميع المنصات الموسيقية المختلفة.
أغنية تامر حسني ورامي صبري الجديدة “فعلا مبيتنسيش”، هي من كلمات عمرو تيّام، ألحان شادي حسن، توزيع، مكس وماستر طارق توكّل، وتريات تامر غنيم، جيتار أحمد حسين".
