الورقي
تامر حسني يرد على رامي صبري: "إنت صاحب عُمر ومشوار مشيناه من الطفولة"
رد النجم تامر حسني،على النجم رامي صبري، من خلال مشاركة منشور الآخير، عبر حسابه الشخصي بموقع التواصل الاجتماعي فيسبوك.
تامر حسني
وعلق تامر حسني قائلا: “حبيبي يا رامي إنت قبل ما تكون نجم كبير ومُهم إنت صاحبي من أيام الطفوله ودي حاجات الناس متعرفهاش، ويمكن مكنش في فُرصه نحكي ده قبل كده.. إنت يا رامي صاحب عُمر ومشوار مشيناه من الطفولة”.
وأضاف: “أنا في الصورة ماسك المايك لأخويا ولصوت مصري عظيم يستحق …. شُكرًا يا حبيبي على كلامك الغالي اللي من القلب، أنا فعلًا إشتغلت معاك من كل قلبي وبكُل حرص علينا إحنا الاتنين بكُل التفاصيل بدافع الحُب والصداقه وإن ربنا يكرمنا مع بعض … أعتقد إن التعاون ده، هيحمس كُل جيلنا إنه يعمل أفكار مشاركه كده”.
واستكمل: “أنا بنادي بيها من زمان من أيام تامر وشيرين وبعدها تامر وبهاء في أغنية قوم اقف، وأنا وإنت بعدها إتكلمنا من سنين عشان نجمع البعض من جيلنا وعملنا المستحيل وللأسف معرفناش، فقولنا نبدأ بنفسنا عشان نحمس الكُل … حقيقي جمهورنا يستاهل مننا كُل الجديد وكل المُفاجآت اللي تفرحه والمطربين اللي هييجوا بعدنا يستحقوا إنهم يتعلموا ده مننا عشان يكملوه للي بعدهم إنتظروا كليب فعلًا مبيتنسيش بيني وبين أخويا النجم الكبير رامي صبري باشا”.
وكان نشر رامي صبري، صورة تجمعه بتامر حسني وهو يمسك له المايك حتى يغني خلال عزفه على البيانو، وذلك عبر حسابه الشخصي بموقع التواصل الاجتماعي فيسبوك، وعلق قائلا: “أنا بشوف الصورة دي بشكل تاني خالص، أولًا تامر فنان أخ وغالي ومحترم وواثق في نفسه، ودي للأسف مش موجودة كتير في مغنيين كتير ناجحين، ولكن عندهم مشاكل كبيرة ومايعرفوش يبقوا زي الراجل المحترم اللي ماسك المايك ده”.
وتابع: “تامر حسني فنان كبير جدًا جدًا، ولما اشتغلت أنا وهو في الديو اللي هاينزل الفترة اللي جاية، فهمت هو ليه محبوب جدًا.. أولًا علشان عنده صفاء نفسي مش موجود عندي أنا شخصيًا، أه والله أنا دايمًا ليا رد فعل، إنما هو بيسيب الحاجات زي ماهي وما بيحبش يرد ودي حاجة صعبة جدًا جدًا.. عاوز أقول مش كل فنان أو نجم يستحق.. لأن دايما الأخلاق واحترام زمايلك هو الموضوع مش بس الفن”.
وأضاف: "شكرًا تامر حسني على ذوقك واحترامك ليا، دايما في التصوير ودايما كنت تقولي انت مبسوط ايه رايك محتاج حاجه ؟ كل ده ماينفعش يطلع غير من فنان حقيقي عنده احساس بالناس والأهم واثق من نفسه قريبًا جدًا هتشوفوا وهاتسمعوا أغنية ( فعلًا مبيتنسيش ) على جميع منصات الموسيقى في العالم".
