بعد نجاحها.. تامر حسني يفاجئ جمهوره بطرح نسخة جديدة من "فعلا مبيتنسيش"

كشف النجم تامر حسني، عن مفاجأة جديدة لجمهوره، وهي طرح نسخة جديدة من أغنية فعلا مبيتنسيش، الذي قدمها مع النجم رامي صبري،وحققت نجاح كبير.

تامر حسني

وكتب تامر حسني، عبر حسابه الشخصي بموقع التواصل الاجتماعي فيسبوك: “بخصوص إقبال الشباب الموهوب على غناء أغنية فعلًا مبيتنسيش، هنّزل نسخة من الأغنية كليب مخصوص بيني وبين رامي وفي أماكن فاضية لغنائكم عشان تبقوا شاركتونا الغناء بجد والديو يبقى تريو”.

وأضاف: “عايزكم تغنوا أحسن ما عندكم عشان نشوف مين هيطلع يغنيها معانا في إحدى حفلاتنا اللي جاية إن شاء الله، ونسخة كليب أُخرى فيها رامي بس ومكاني فاضي عشان اللي عايز يغني مع رامي مكاني ونسخة فيها أنا بغني بس ورامي مش معايا عشان اللي عايز يغني معايا”.

واستكمل: “كمان هنزل نسخة موسيقى بس للي عايز يغني الأغنية كلها بأعلى كواليتي وهنراعي إختلاف الطبقات الصوتية يعني هيكون في نسخة مزيكا نفس طبقتنا الأصلية ونسخة أقل تون عشان تبقى أكتر راحة لبعض المواهب وكمان نُسخ نسائية طبقتها أعلى 3 تون عشان النُسخ كلها تنور في اصوات الجميع، كل النُسخ متاحة علي اليوتيوب ".