الورقي
إلهام شاهين ترد على جدل تصريحاتها عن الصلاة: اللي مش عاجبه رأيي ميمشيش عليه
ردت الفنانة إلهام شاهين على الانتقادات التي وجهت لها بسبب تصريحاتها عن الصلاة، وفسرت ما قالته وقتها وقصدها من هذا الحديث.
وخلال لقائها في برنامج "سابع سما" مع راغدة شلهوب عبر قناة "النهار" قالت إلهام شاهين عن الواقعة التي حدث وبسببها كان تصريحاتها عن الصلاة: "المضحك بالنسبة ليا أن دا حصل من 20 سنة، ويمكن أكتر كنت بعمل مسلسل ودا كان بالنسبة ليا شيء جديد ومختلف، كنا في نص مشهد وحد غلط وهنعيد، فطولوا وإحنا قاعدين قدام الكاميرا مستنين وبعدها المصورين خرجوا وأطفت الأنوار وخرجت أشوف في إيه لقيت المخرج جامع الناس في الاستديو وبيصلوا جماعة، استنيتهم يخلصوا ورحنا خلصنا المشهد وقلت رأيي بعدها".
وأكملت إلهام شاهين: "قلت لهم إن المشهد كان ممكن يخلص بعد 5 دقايق أو 10 دقايق كان يجرى إيه لو نخلص الشغل وبعدين تصلوا أنا مش بمانع أن حد يصلي إحنا في مصر بنصلي ممكن مش أول ما الأذان يأذن ممكن لو حد عنده شغل أو حاجة بيخلصها وعنده وقت كافي بين صلاة الظهر والعصر في حوالي 3 ساعات ونص يصلي في أي وقت خلال الـ3 ساعات ونص في وقت بين مواعيد الصلوات مسموح لنا ربنا إدانا هذه الرخصة أن نصلي في أي وقت دا اللي أنا قلته، مش بقول قضاء ولا بقول يضيع ميعاد الصلاة أبدا لكن مش بالضرورة بمجرد أن الأذان يأذن نصلي لأن ربنا مدينا الرخصة دي".
وردا على هجوم الشيوخ عليها ورد الفعل على تصريحاتها قالت إلهام شاهين: "أي موضوع بتكلم فيه دا رأي خاص بيا لا أنا مشرعة ولا بعمل قوانين اللي مش عاجبه رأيي ميمشيش عليه من غير حرب ليه بنقوم حرب، وكل حد حر أنه يرد عليا".
